迷信老闆要求初二吉日開工！網民撐返工：分分鐘賺咗！

因吉日迷信老闆要求員工初二開工

近日，一位香港打工仔在網上討論區以「老細為咗開工吉日逼人年初二返工」為題開帖發文，表示自己老闆性格迷信，當他知道今年年初二是開工吉日後，便要求全體員工當日回公司上班，稱「攞個好意頭」。

樓主補充老闆雖然表示會補假，但始終農曆新年，大家都希望放假休息，或者與親友拜年，享受假期。老闆突然要求上班，已經破壞大家節日安排及心情。上班當日，老闆更要進行拜神儀式，令辦公室充斥煙味，令人難受。樓主慘呻「 都唔知呢啲開工吉日係點算出嚟 」，對於新年期間要上班，對樓主來說，絕對是職場辛酸。

網民：有$500開工利是就值得返！

帖文一出，立即引來不少打工仔前來獻計。有網民建議樓主跟老闆說自己回大陸，或者到外國旅行，不在香港。如果老闆要求初一回港，就跟他說自己核酸檢測呈陽性，未能上班。不少有經驗的網民力撐返工，表示多數新年吉日上班都是回公司拜神，「逗吓利是，食吓嘢」，就能下班，非常輕鬆。

有網民建議樓主先試探其他職員口風，如果公司多人派利是，或者老闆開工利是有$500或以上，就值得上班。如果只有「小貓幾隻」，作為小職員，不上班也沒大問題。不過，亦有人認為樓主小題大做，吉日開工是平常不過的事，網民諷刺「想去拜年咪辭工囉」。