美國冒險樂園、NAMCO大比拼！網民盤點N宗罪狠批質素「大倒退」｜玩樂熱話
廣告
美國冒險樂園及NAMCO是香港2間最大規模的遊樂場，場內的遊戲機更是很多人的童年回憶，例如推銀機、擲彩虹、籃球機、夾公仔等。不過卻有網民控訴兩間遊樂場質素「大倒退」，更盤點出N宗罪，狠批兩大樂園管理不善「畀人感覺越做越頹」！一齊睇吓網民點講！
美國冒險樂園＋NAMCO樂園質素「大倒退」？
網民評美國冒險樂園：人工太低！
網民首先指出在近年新冠肺炎疫情期間，規模較大的美國冒險樂園因為經歷禁開令、大量遊戲機台如波波池被封、分店結業、店面面積減少等挑戰，再加上樂園「管理不善」，導致業務大量萎縮。
除此之外，直言「無論在遊戲機或者是店舖風格裝修」，都與當初建立時不同，例如「九龍灣有間旗艦店，小型火車、大型波波池，都已關閉，新的淘大分店比以往細一半， 畀人感覺越做越頹」。而最令網民生氣的，是員工的的酬金水平過低，有人指出曾面試冒險樂園的Admin職位，但「見完同我講admin已經請咗人，淨係開到$8,500做data entry」。
網民評NAMACO：無幾百蚊都夾唔到隻公仔！
而日資公司NAMCO的規則相對較小，不過分店面積就通常都比較大，不過網民就狠評NAMCO的問題不是出於管理不佳，而是「夾公仔機」的爪子設定十分鬆又無力，令很多人自問「技術都唔算差」，但是即使交了不少學貴，也感到「好似無幾百蚊都夾唔到隻公仔咁」，懷疑人生之餘也質疑店定故意將機台難度調高，以賺取更多的金錢。
「夾公仔正傻仔！」
另外也有網民分享崩潰經驗，指自己某日在樂富分店夾公仔時「睇住佢個夾，夾到、夾起、直接打開，之後將打開住嘅夾移去個窿度」，大嘆「傻仔先會係香港夾」、「夾公仔去日本玩，係其他地方玩簡直係傻仔」、「應該話9成夾公仔都係垃圾」。
圖片來源：FB@美國冒險樂園 Jumpin Gym U.S.A、FB@NAMCO、新假期編輯部
