港女去冒險樂園態度即變晒 與男友玩氣墊球輸咗爆粗仲要發爛渣！｜玩樂熱話

港男與女友玩冒險樂園

最近有網民在連登大呻，他表示與女朋友在海港城食完壽喜燒後，二人到美國冒險樂園玩，樓主表示女朋友間中會講粗口，但她絕對是有修養的女仔，「受過高等教育 from decent family，真ABC type，點知一換完$100代幣，佢就好似上左身咁變咗另一個人」。

女友輸game爆晒粗

女友即刻衝去氣墊球枱入代幣，樓主表示自己運動細胞比較差，玩幾場都輸給女友，「不過咁緊要，只要見到佢開心就得，但係佢不停喺度刺激我話一球都擋唔到！之後我開始捉到佢路，成功擋到幾下，但佢就越嚟越燥，仲爆晒粗」。

輸game仲要發爛渣

期間女友亦開始鬆懈，港男亦成功入波。「我就一嘢全力打個氣墊球入佢個窿到，果下係我第一個入球，我好興奮，我嗌到旁邊啲人都望晒過嚟」，不過女友就開始燥底：「點知女朋友大大聲講粗口，你夠膽就試吓再射入嚟！你而家射入嚟，就以後都咪再射入嚟我度！說時遲那時快，我已經係佢未準備好就射咗個氣墊球出去，仲要入埋」。

男友問網民有咩方法氹返

樓主表示女友之後沒再說話，WhatsApp亦沒有回覆，樓主詢問一眾網民「佢係咪嬲咗我？點算好？我諗尋晚係我聽我女朋友講最多粗口嘅一晚，我好愛我女朋友架，請問有冇咩辦法哄返佢」。有網民覺得「比你hurt到，反省緊自己應唔應該再同你一齊，唔好彩嘅話就應該以後你都冇得射佢啦」、「第一時間道歉啦，認自己做錯」、「認真，去佢屋企搵佢」。

資料來源：連登討論區