網民力數10大公廁品牌！港人嫌棄：一街都係Supreme T、Nike鞋

網民嚴選遭MK仔用到變公廁的品牌！

唔少品牌一開始所奉行的理念都相當不錯，不過每當品牌中的某些單品被過度吹奏，甚至淪落到人人擁有，則會變成「公廁」。近日有網民就討論出有什麼品牌是被「MK仔」用到變公廁，當中有幾個Brand的單品相信各位讀者都有所接觸！

1.Aape

由日本潮流教父Nigo創立的品牌Aape （A Bathing Ape），其標誌性猿人頭Logo大家都一定見過，當時推出的單品更是一搶而空，二手市場仲會有炒價現象！近年來品牌的單品更成為一眾後生仔的最愛，基本上可以說是人手一件猿人頭Tee或者Full Print猿人頭外套！

2.Alexander McQueen白波鞋

奢侈品牌Alexander McQueen的Oversized白波鞋旗深受不少MK仔女愛戴的單品，鞋款以Stan Smith為設計藍本，再符合時下Chucky Shoes的熱潮，一度成為唔少人的首選白波鞋。其鞋型可為大家帶來幾公分的高度，因此特別受到女生們的喜愛。

3.Gucci波鞋

Gucci作為入門級的奢侈品牌，由舊一代MK仔女就熱愛的斜揹袋，去到今時今日都仲有唔少MK仔女熱愛Gucci推出的波鞋，醒目紅綠標誌配色，再加上蜜蜂刺繡，令一眾MK仔女都可以著住去威！

4.Fendi/Gucci Pounch

Fendi同Gucci均有推出過的腋下包，因為滿版的Monogram圖案，令到其辨識度相當高，亦令到MK仔女勁愛！無論係夾住定手拎住，街外人都知道係名牌啊！

5.Supreme

街牌始祖Supreme，以前每次推出新系列均能引起話題，當中Box Logo的衛衣/長袖/短袖/更是必炒單品。不過後來越多MK仔女的加入，令品牌變得公廁化，人手一件的Box Logo Tee更令人懷疑是咪山寨貨。當然啦，大陸山寨Supreme更加係開到有埋公司註冊！

6.Nike Dunk Low

Nike曾經推出的滑板鞋Dunk Low是「Outlet貨」，不過近年復刻並經過唔同KOL明星等等上腳，成功炒到貴一貴。合作款如Travis Sccot Dunk Low更炒上天價，就連普通一對$699的黑白Dunk，都能夠炒過千。而且行出旺角一轉，差唔多一條街都見到十幾二十個著Dunk Low之人。

7.adidas Yeezy

未曾離開adidas時的Kanye West，推出的Yeezy款式同配色夠晒打造一個「Yeezy Kingdom」，而因為行大貨政策的關係，導致真係「人人有Yeezy著」。不過Yeezy都係假鞋販人最常做的鞋款之一。

8.Crocs

近年Justin Bieber帶起「洞洞鞋」風潮，頻頻上腳由Crocs出品的涼鞋。而該風潮亦終於吹襲香港，唔少人都開始買入由Crocs出品的涼鞋，更購入唔少Pin扣在鞋子的洞洞上，為求打造一對獨一無二的Crocs。而Crocs的風潮令到Balenciaga都搵佢合作推出聯乘鞋款，相當之勁。

9.FILA

近年由韓星帶起FILA的風潮，不少韓妹穿上FILA的波鞋，看起來腳長比例好，令不少香港女生都心郁，跟風買入。而且FILA波鞋款式百搭易襯，價錢又親民，學生也能輕鬆入手！

10.Essentials

由Fear of God推出的平民支線Essentials，以低廉的價格就能享受到高端時裝的設計感，係人都制啦！不過大大隻「ESSENTIALS」印落件衫度，的確啱晒MK仔女愛張揚的性格。

原文刊於：新Monday