公屋男友被阿媽嫌棄 冇未來要求分手！網民：都係講事實！｜網絡熱話
廣告
男朋友住公屋，父母成日有怨言？有人話戀愛係兩個人嘅事，唔需要理會其他人點睇，但係試問有邊對父母可以毫不理會自己仔女嫁／娶得好唔好。有絲打喺討論區發文，指阿媽成日鬧佢男朋友係公屋仔，問一眾網民有咩方法可以阿媽接受男朋友。
阿媽嫌棄男朋友住公屋 絲打網上求方法！
早排有絲打喺討論區發文，話同男朋友拍咗拖幾年，但係當阿媽知道男朋友住公屋就好反對佢哋拍拖，長期話男朋友窮、又無樓，將來一定養唔起絲打。但係絲打唔想分手，仲有同男朋友規劃未來。
港女一句惹網民不滿！
不過樓主就話阿媽叫佢去識富一、二代完全唔合乎現實，因為自己雖然唔係住公屋，只係同普遍香港家庭一樣，係一個低層打工仔，生活圈子根本識唔到有錢人。
呢位網友就話樓主其實係知自己無條件識有錢人所以先唔同而家男朋友分手，叫佢放過男友咁話！
網民意見兩極！
此帖文一出，馬上引起一眾網友留言，有網民就話樓主阿媽只係講事實，因為結婚就一世喇！
呢位就話自己未來應該由自己掌握，男友住公屋唔係佢嘅錯。唔知大家又點睇呢件事呢？
早年公屋潮文 引情侶共鳴
絲打面對梗嘅嘢，同早年公屋潮文《公屋、居屋、私樓》一樣，阿媽知道男友住公屋就即刻嗌無胃口食飯，如果男友住私樓就連雞脾都親手夾畀人，真係引起唔少情侶共鳴。
資料來源：連登討論區
圖片來源：YouTube@ronniechau截圖、連登討論區截圖、TVB《香港愛情故事》截圖資料或影片來源：連登討論區
