公屋港男寧住hall都唔想返屋企 大呻：屋企猶如無間地獄！網民睇唔過眼大鬧：有公屋你住已經好好！｜網絡熱話

港男大呻公屋似悲情城市

最近有網友在討論區發文，事主本身住公屋，一直覺得住得不愉快，「覺得啲人好雜，悲情城市咁，加上父母又學歷唔高，而且同佢哋關係都一般，除咗平時噓寒問暖都傾唔到啲咩偈，返親屋企附近範圍即刻個人頭頂多舊烏雲。」

住hall後日日都好有energy

不過事主自從升上大學住hall後，除了認識更多朋友外，住hall相處多了，已經沒有在家的頹廢感覺，「日日都好有energy好開心，但一返親屋企個人又頹返，唔想同任何人傾計。」

家人有需要幫忙先會返屋企

事主指疫情期間有不少同學quit hall返屋企住，不過他照住hall，更表示如果要返屋企，通常是家人有需要幫忙，或者太耐冇見才會返屋企，「都係返去食個飯見一見面就會走，唔會想留太耐或相處太耐」，更力指家中是「無間地獄」！

網友：唔好覺得讀大學就可以睇人唔起

事主更詢問網民「係咪以後搬出嚟住係唯一方法？」，有網友表示明白樓主可能鍾意一個人住，但樓主一句「父母學歷唔高/無咩講」有少少難聽，網民大數他的態度非常差：「好似覺得自己讀咗大學住hall高人一等咁，好多人無咩讀書都因為有人生閱歷而好有智慧，建議你唔好覺得自己讀大學就可以睇人唔起，特別係對著養你大嘅父母。」

網民建議這個時勢最好搬回屋企

有網民建議事主這個時勢最好搬回屋企，「噓寒問暖都係關心嚟，或者試下調返轉你主動同父母傾計啦，呢個時勢陪下屋企人都好」、「公屋有咩問題？又平又唔洗煩，講到住私人樓就好開心咁，我住私人樓咪又係咁，最多咪見到鄰居講聲早晨，你希望有d咩？」

資料來源：Dcard