兩公婆月入5萬仲想排公屋 港男不捨辭去筍工！網民：你咁嘅學歷呢份工已經可以叫完美｜網絡熱話

夫妻二人月入5萬想排公屋

最近有網友在討論區發文，事主和妻子已經輪候公屋4年，最近排到收信要審查，但夫妻二人已超過公屋入息上限，詢問一眾網友該如何是好。事主表示他和妻子扣除MPF，合共5萬元月薪，當中已包括ot、雙糧、花紅和津貼。事主是做私人司機，平均月薪2萬9元，「九成時間都Hea，自由活動，舒服好工好老細，如果我辭職都好難搵得返依家呢個人工同舒適程度。」

夫妻二人超過公屋入息上限

最近事主收到審查通知，不過他表示今次審查一定過唔到，「入息同資產都爆咗，但有機制入息/資產有所調整而再次符合申請資格，可六個月後兩年內上重審。」夫妻二人現時以1萬元租樓，如果成功上樓估計二人單位每150-250呎租金約$1,300-$2,000，「如果上到樓我估都大機會考慮買白居二或抽居屋，因為兩人單位真係太細，有機會生仔完全唔夠用。」

網民覺得排公屋更重要

有網友覺得樓主要辭工，「唔講公屋點點點，有綠表已經兩個世界，又可以抖兩年，司機唔驚無工開啦」、「份工今日幾好幾穩定，將來都會有變數。你自己都講好難搵得返依家呢個人工，咁就當然拎公屋係優先。」

網友：好工可遇不可求

有網民指兩人家庭每月最高公屋入息限額 $19,550，就算樓主辭職都未必解決到問題。不過有網民指好工難求，「份工穩定嘅話寧願捱多幾年儲首期買樓，好工可遇不可求」、「唔建議辭工， 既然你之後都係想買樓，而你又講兩公婆好好彩先有而家人工，兩年前仲搵緊28k，而家有50k，可以直接搵上車盤，唔使租啦。」

資料來源：連登