港媽帶1歲BB到公園遊玩 1個原因遭大媽發惡狂罵兼報警｜玩樂熱話
廣告
日前政府宣布逐步放寬防疫措施，惟口罩令則繼續維持，不過未滿2歲的BB可以豁免佩戴口罩。但有港媽在網上發文大呻，指外傭帶1歲多的囡囡在公園遊玩時，突然遭到一名陌生中年女人破口大罵，指責其女兒未有戴口罩屬違方，更拍下女嬰照片，最後更驚動警方，令港媽大感無奈。
1歲BB遭大媽發惡罵哭兼報警： 冇戴口罩犯法！
最近有港媽發文大呻，指前日（8日）下午，外傭帶1歲多的囡囡（水水）到荔枝角公園遊玩，期間遭到一名拖住細路的大媽追拍，外傭查問為何要拍攝BB，豈料大媽發惡稱「你個小朋友冇戴口罩！犯法！我而家影佢做證據」。而外傭解釋，未滿2歲小朋友可以豁免佩戴口罩，不過該大媽繼續罵，嚇到BB喊住走，又罵工人姐姐「掛住玩電話」疏忽照顧兒童。不過事主稱工人姐姐當時是用電話拍下事發情況，然而大媽最後決定報警。
警方到場了解事發經過後，指「有啲市民係比較熱心啲、緊張啲」，然後便收隊離開。而水水媽對於女兒無辜被騷擾及罵哭大感無奈。亦有不少網民斥責大媽無理取鬧，稱「指住個細嚟鬧真心仆X」、「係驚嘅話唔會帶個女落街啦」，認為她罵完小朋友發現自己罵錯，繼而再指摘工人姐姐，態度惡劣。
《預防及控制疾病（佩戴口罩）規例》（第599I章）第5A條，任何人在進入或身處指明公眾地方或《第599F章》處所時，須一直佩戴口罩。然而條列不適用於未滿2歲的人。
圖片來源：baby_elly312@IG、連登討論區截圖
