情緒病女友心愛公仔被扔 港男網上求助尋物！網民落足力幫手搵！｜玩樂熱話

女友被媽媽扔咗陪伴8年公仔

最近有港男在連登討論區發帖，近日女友媽媽在她返工時，將陪伴女友8年的熊貓毛公仔扔了，事主在垃圾站搵幾個鐘也找不到公仔，「呢隻公仔係屬於我女朋友，佢有輕微情緒病加抑鬱症，由於我哋唔係一齊住，再加上佢因為家庭原因唔可以搬出嚟住，呢隻公仔係唯一可以令到佢獨處嘅時候可以放鬆同舒緩到佢嘅情緒。呢隻公仔亦陪咗佢八年，所以對佢嚟講係非常之重要。佢而家情況越嚟越差，夜晚又失眠」。

男友求網民幫手搵！

男友其後決定上連登詢問一眾網民幫手尋找公仔，亦提供公仔的資訊，「淨係知道佢大概60至70cm高，2014年喺美國嘅大型超市買（有可能係Walmart，Target，Costco）」。

大量網民幫手搵公仔

不少網民留言推post，有網民建議樓主上reddit問，其後有網民提供多個網站，都可以買到樓主所指的公仔，不過樓主覺得不是女友那隻熊貓公仔，他表示「我都有搵到過呢隻，不過唔係，多謝你」，不過網民表示應該Costco有得買，「Google search 就搵到Costco，以前有隻28″」。

最後一日內成功搵到！

網民都好落力幫手搵，最後更於一日內成功搵到隻同款的熊貓公仔！港男亦出帖感謝各網民的幫助，表示女友知道不會是同一隻，但對於能夠搵到同款都已經好開心了！

網民：有抑鬱嘅人搵到啲嘢倚靠好重要

不少網民亦紛紛留言，「希望你女朋友可以盡快搬出去住，遠離唔好嘅屋企人」、「好得意，但我諗起安安 」、「公仔真係好重要」、「有抑鬱嘅人搵到啲嘢倚靠好重要」、「當年我媽趁住我去旅行扔咗我幾隻公仔，全部都係bb/幼稚園時已經陪住我，我嬲到晚晚喊，到而家每次諗起個心仲痛緊」。

資料來源：連登討論區