女友煮公仔麵變糊仔港男想分手！黃秋生：咁先係傳統日式煮法｜網絡熱話
廣告
肚餓時會淥個公仔麵食，唔知大家會點煮？有網民在討論區出post，問大家「當女朋友連公仔麵都唔識煮……我係唔係應該飛咗佢？」，引嚟超多討論！
女友煮公仔麵凍水落麵 男友嫌棄煮成麵糊
當日樓主滿心歡喜以為有口福，可以一嚐女友手勢，但萬萬想不到女友連煮公仔麵也失敗！細問之下才知道原來女友係凍水落麵，因此麵條煮得過久而變成麵糊。
正面的網民：之後你煮飯咪得囉！
當然啦，一件事多面睇，亦有網民表示不懂煮飯其實問題不大，只要賺到錢請工人就可以，也有網民指自己妻子也不懂煮食，自己反而因為這樣而練得一手好廚藝。
黃秋生撐凍水落麵：呢個先係傳統日式煮法
黃秋生幾年前在TVB一個電視節目上，曾經分享過自己煮出前一丁的做法。他建議水不用預先煮滾，凍水下麵，不需要過冷河，味粉則分開放在碗上，麵質便會爽口彈牙。
出post回應煮麵達人
當時更有位煮麵達人就指凍水下麵反而會令麵身變軟，認為應該是滾水才下麵，確保麵身有彈性。黃秋生便在社交網絡上回應了那位達人的說法，認為他誤以為黃秋生是凍水落麵，等到水滚三分鐘，再加上水滚後再煮三分鐘，這樣當然會令麵身變軟。
因此，黃秋生再次說明，煮出前一丁應凍水下麵，到水滾三分鐘，麵餅便會散開，麵質不會軟身，比滚水才下麵更硬身，因為仍保留麵身上的油份。
圖片來源：香港討論區截圖、Pexels、TVB《燭光晚餐》截圖、FB@黃秋生Anthony Perry截圖、新傳媒照片庫、TVB《愛回家之開心速遞》截圖資料或影片來源：香港討論區
