情侶行山｜港男與公主病港女友行山超辛苦！力數對方只為影相打卡｜玩樂熱話

情侶行山｜港男同公主病港女女友行山

最近有網民見天氣開始涼涼地，諗住與女朋友一齊行山，但行完之後網民就大呻後悔，「同佢行山，佢先拎個迷你袋仔，水都裝唔到支，咩都放晒喺我個袋入面，佢啲嘢都唔少，又化妝品又有替換嘅衫，搞到個袋勁重，都唔明白，行個山做咩要帶化妝品，到時流晒汗咩都溶晒啦，點知原來就係因為佢話係帶去補妝用。」

情侶行山｜女生帶勁多嘢擺入男友袋

女友解釋帶化妝品去補妝，因為又邊行山邊打卡，「仲搵我做佢嘅人肉腳架，幫佢影相都唔係問題，但佢又高要求，又要嫌我影得佢唔靚，我影得靚仲唔走去做攝影師咩？」，網民表示本身去行山是想欣賞沿途景色，但女友一路行山，一路呻好熱好攰，「真係想好好欣賞下沿途景色都畀佢搞到冇晒興致，我真係好後悔自己點解會叫佢一齊行」。

情侶行山｜網民提議行公園、郊野公園

有網民提議樓主可以帶女友行大帽山道、飛鵝山道、山頂公園等，可揸車或搭的士上會比較好，「總之車可到，有乜投訴，行得辛苦就揸車或call的士走人」，亦有網民覺得與女友拍拖夏天就一齊去游水，其他季節就行下公園、郊野公園，可推車仔或拖篋上山都得，就不怕女友會呻辛苦。

網民理解女友帶化妝品

不過有網民表示理解女友帶化妝品，「行完山都要食飯，食飯要見人，見人就要化妝」，不過有網民覺得帶只想打卡的女友去行山，寧願自己行仲開心，「同女朋友行山係最蠢嘅事，你同佢講你唔舒服叫佢自己拎返啲野啦」。

網民：見過港女話好驚呀啲蟲

不過有網民唔撐樓主，覺得樓主女友係縱出嚟，樓主就要承受結果，「行山幾個鐘咋，但係你地行埋就隨時一世，自己諗清楚啦」、「見過港女，好驚呀啲蟲，好驚呀啲蝴蝶」、「將來你同個公主病女友結咗婚，一世流流長仲惡頂」。

資料來源：香港討論區