上手租客曾中六合彩！地產經紀奇招強推元朗殘舊村屋｜網絡熱話
廣告
租屋除了看環境和地理位置外，有時候風水都是重要的一環！日前有地產經紀在網上放租一個元朗殘舊村屋租盤，除了上載村屋的樣貌外，更特別注明村屋曾有人中過六合彩，但就被大量網民取笑「中得太多，嫌攞獎麻煩」！
地產經紀推中六合彩租盤 ！元朗殘舊村屋月租$8,000
有網民在Facebook群組「元朗屯門租售靚盤速遞」放租元朗村屋單位，單位位於錦田市中心，500呎兩房，並位處4樓。放租者指「暫時算抵住錦田市中心單位」，月租$8,000，地點靠近錦上路西鐵，步行只需10分鐘。
而單位裝修簡單，以淺白色為主調，兩房面積都屬較細，客廳則有露台。不過卻沒有任何傢俬提供。而廚房有提供抽油煙機，流理台都算大，但卻沒有太多收納空間。廁所亦非常單調，同樣沒有收納空間。
不過，放租者卻重點推介村屋的好風水。他指「根據附近街坊披露，該單位上手租客曾經於上址分別中過六合彩5獎及6獎！總獎金高達港幣玖佰陸捨圓正！」
網民取笑：業主唔自己住番？
但網民卻取笑放租者的言論，認為風水那麼好的話，為何「業主唔自己住番？」有人笑言「中得太多，嫌攞獎麻煩。」、「呢輪都賺到夠喇，真係好想比人賺下」更大指業主不應該將單位交給這個地產經紀，「以為自己好幽默好好笑，點知連自己都俾人一齊笑XX」、「好奇問吓，你d盤成日都偏舊有無人租，定你不如轉去做棟篤笑」、「都唔夠食餐飯，中條Q過關都多過佢啦」。
資料來源：元朗屯門租售靚盤速遞
圖片來源：FB@元朗屯門租售靚盤速遞
