網民票選十大後悔迷過的偶像！楊千嬅、 周柏豪都上榜｜玩樂熱話

網民票選十大後悔迷過的偶像！

1.楊千嬅

48歲楊千嬅入行前是一名護士，參加新秀而入行，楊千嬅加入樂壇後有不少經典金曲，雖然唱功一直被質疑，但憑《少女的祈禱》為她帶來事業高峰 ﹗近年北上發展，被指放棄香港市場，更舉家移居上海，最近參加《聲生不息》又簽約華納，似有意回歸香港樂壇。

2.蕭正楠

繼楊千嬅之後，最多人選的是歌手出身的蕭正楠﹗新一代認識蕭正楠只喺大台劇，其實蕭正楠係參加歌唱比賽出道，初出道仲畀人話係「翻版鄭伊健」！2001年曾經參加《太陽計劃之優質樂壇接班人》獲得「冠軍」同埋「超人氣潛質奬」，又喺《全國百事新星大賽》得到「魅力新星大獎」，當時佢就受到「大國文化」唱片公司賞識，喺2002年正式簽約成為旗下藝人出道。

3.黃翠如

現年40歲的黃翠如近年演技及五官進化屢成熱話，有線出身的黃翠如，在同期新人當中外表最標青，主持旅遊節目而為人熟悉，同柏檔洪永城合作無間﹗網民指黃翠如加入無綫後，只因是余詠珊愛將而升呢女一，被插「毫無演技做花旦」，及後又被指介入蕭正楠和何傲芝戀情，「小三」令形象插水﹗網民指當年鍾意黃翠如，除了靚女就是敢言，但加入無綫就冇晒「吉士」，對佢好失望﹗

4.林峯

娶咗個內地妻生埋女甚少在港曝光的林峯，亦是當年的偶像，網民指當年在劇集《談情說案》中的Professor King型到爆而被迷倒，又有人因其歌藝而追捧﹗不過現在就後悔當年鍾意過林峯，因為覺得年過四十的林峯老土又娘，加上自從娶內地妻後，就在內地落地生根，無意返港﹗

5.方力申

有網民指方力申剛出道時就迷戀佢，因為飛魚形象健康又正面，是當年難得一見的藝人，之後同鄧麗欣傳緋聞到真拍拖，都一樣咁鍾意佢，但自從同鄧麗欣分手後，經常有花邊新聞被指是溝女王，又因車品唔好被封「万刀甲」，所以好後悔鍾意過方力申，但就一樣咁鍾意鄧麗欣咁話﹗

網民：依家淨係鍾意Stephy﹗

6.王祖藍

原來王祖藍初出道都一度成為偶像，有不少支持者，網民仲指因為王祖藍有把靚聲，成日想佢紅「點知紅咗，成個人都染紅，好後悔鍾意過王祖藍﹗」

7.鄧健泓

網民指鄧健泓主持《閃電傳真機》時就鍾意佢，後來加入樂壇都繼續支持，但指離開大台後的鄧健泓「經常賣慘，嗰時都戥佢陰功，但冇諗過到娶埋老婆，孖住出嚟賣慘，兩公婆都好煩厭﹗」

網民：咁多年仲賣緊慘﹗

8.周柏豪

周柏豪以偶像派歌手出道，有不少粉絲，網民指自從周柏豪接受陳百祥訪問就徹底心死，「嗰時大文豪上身都係𤓓啫，企出嚟表明立場，真係要同佢劃清界線﹗」

9.Supper Moment

06年出道的Supper Moment一曲《無盡》唱到街知巷聞，成為年輕人的偶像，近年路向忽然轉軚，上《開心大綜藝》與胡楓修哥合唱又唱回歸歌，被網民封為「搖滾叛徒」，SM拍片回應指指控：「做音樂都要錢﹗」致歌迷離棄潮，及後公布開演唱會時，其公司人員又在FB專頁同網民對罵，釀成關公災難﹗

10.羅志祥

台灣偶像羅志祥（小豬）被封為一台舞王，兩年前因「多人運動」，被前度揭私生活混亂，形象插水，網民指：「老老實實，雖然後悔鍾意過小豬，但當年佢嘅舞技真係迷死唔少女﹗」

原文刊於：新Monday