又玩人肉霸位！屯門四眼男霸錶位不准駛入拉低口罩狂鬧事主：報警啦X樣！網民錯重點：屯門靚聲王？｜玩樂熱話

Q: 何謂人肉霸位？

即以肉身擋在停車位上，不准其他人泊入。

Q: 為何網民戲稱人肉霸位者是屯門靚聲王？

因為該名人肉霸位者在拉低口罩破口大罵時，... 詳情

Mar 29 2022

香港土地不足問題一向嚴重，尤其車主們特別身同感受，出街搵停車場真係好難呀，想搵泊車咪錶位更是難上加難！近日一名車主在屯門尋找車位時遇上人肉霸位，事主遂拉低車窗理論，豈料被惡人拉低口罩以粗口狂鬧，網民紛紛錯重點，仲笑稱霸位者是「屯門靚聲王」！

又玩人肉霸位！屯門四眼男霸錶位不准駛入
拉低口罩狂鬧事主：報警啦X樣！

事主們搵停車位確實很難，但並不代表可以叫其他人幫忙「人肉霸位」，因為行為非常無公德心！近日有網民在Facebook群組「車cam L（香港群組）」上貼出影片，顯示昨晚6時半左右，事主在屯門新墟附近尋找泊車位，當眼見一個空位時，誰料有一名戴眼鏡的男子站在車位中央。

人肉霸位又玩人肉霸位！屯門四眼男霸錶位不准駛入 — 又玩人肉霸位！屯門四眼男霸錶位不准駛入（圖片來源：Facebook群組「車cam L（香港群組）」截圖）

人肉霸位一名戴眼鏡的男子站在車位中央 — 一名戴眼鏡的男子站在車位中央（圖片來源：Facebook群組「車cam L（香港群組）」截圖）

片主隨即駛近車位，該名四眼男子即時表示「我架車嚟緊」、「喺後面嚟緊」，事主與車上乘客隨即與霸位者理論，「我到喎但係」、「但我哋行先㗎喎」，四眼仔再回應「我霸緊位呀嘛」、「唔可以霸位㗎咩？」，事主遂反駁他「你真係未俾人公審過呀你？」、「呢個車位嚟㗎嘛，人位嚟㗎咩？」

人肉霸位該位四眼男士隨即發難 — 該位四眼男士隨即發難（圖片來源：Facebook群組「車cam L（香港群組）」截圖）

人肉霸位拉低口罩發難以粗口狂鬧事主 — 拉低口罩發難以粗口狂鬧事主（圖片來源：Facebook群組「車cam L（香港群組）」截圖）

該位四眼男士隨即發難，除了不准事主泊入停車咪錶位，也不願返回行人路，並拉低口罩發難以粗口狂鬧事主，「X你老X，報警呀X樣」、「九X唔搭八，你老X臭X」、「你一係隊埋嚟，X你老X」、「點X樣呀？唔X得呀？」，片主唯有留下一句「費事同個傻佬拗」，無奈開車離去。

人肉霸位一連串粗口Combo — 一連串粗口Combo（圖片來源：Facebook群組「車cam L（香港群組）」截圖）

人肉霸位不過網民睇完就錯晒重點 — 不過網民睇完就錯晒重點（圖片來源：Facebook群組「車cam L（香港群組）」截圖）

網民錯重點：屯門靚聲王？

網民看影片後都為片主抱不平，認為人肉霸位確實不可取，加上該霸位四眼男聲大夾惡，不知有何背景，即使能泊入去也怕車輛被惡意破壞，認為片主駛走是正確選擇。但就不少網民都錯重點，指該位四眼男在鬧人時瘋狂走音，誇張到一個字有3個音，「嘈還嘈唔好走音」、「開頭個「X」字仲可以發出三個音，厲害厲害」、「隻隻字都走音，唔容易。」更戲稱他是屯門靚聲王。