賣二手車遇西客買家「亂試車」 港男嬲爆怒轟對方行為失禮｜玩樂熱話

連登仔賣二手車怒轟買家「亂試車」

買車前試車是常識吧，但是應該由賣家來試車作示範，抑或應該由買家親身試呢？最近有網民在連登討論區上發帖，表示自己最近第一次賣車，出售一部「萬幾蚊日本二手車」，有買家表示有興趣，於是帶同另一位女友人幫忙睇車，結果卻令樓主感到不滿。

樓主指當時「條女一來就拎住個電筒驗我架車，咁我都冇咩所謂，日本車出名冇嘢壞，你咪驗」，但是對方卻一直批評他的車子很多花痕，更問他是不是在劏車場購買。

事主回覆她車子曾更換零件，但就再被對方狠批自己「被搵笨」，因為事主購買零件的金額比起市價高出不少。樓主即在心裡痛批對方「未見過人咁冇禮貌，你唔鍾意咪係心入面或者細細聲講囉，唔洗成個長舌婦咁呻啊，我都冇當面話你樣衰啦大姐」。

然而在試車時，對方在馬路上「地板油+重break」，令樓主感到傷車，再者如此激烈地駕駛，如果被控危駕隨時釘牌，樓主也隨時惹禍上身，當他提醒對方不要這樣試車時，對方卻冷回一句「好熟依頭，冇事」，令他事後愈想愈氣，更在Facebook DM對方理論。

網民激辯：你最錯係做咗1件事

網民看帖後就直言在事件上，樓主讓對方試駕自己的私家車是非常愚蠢的行為，如果發生意外「出咗事你自己要負責」、「撞左你仲大獲」、「從法律保險角度都唔建議俾人揸」、「如果對方咁啱連車牌都冇/停緊牌仲要撞到人個下你就大劑」，即使是在買車時試揸，也要小心對方會不會「唔見財物入自己數」，而在這點上，樓主明顯「輸經驗」。不過也有網民認為買車時必須試車，否則不考慮購買，而樓主的想法只是出於愛護車輛，也教精樓主下次不要讓對方試車，否則可能出大事！

原文連結：按此