九巴車站設「新裝置」 網民質疑：超級無用！
廣告
搭巴士落車要襟鐘就大家都知，但等車要襟鐘，大家又有無見過？最近有網民發現在畢架山花園的九巴巴士站，出現一個特別又陌生的裝置，外表就像一個門鐘，上方貼有一張寫上「候車請按掣」的貼紙，網民就爭相議論，到底呢個裝置到底用途係乜？
撰文：GW｜來源：KMB、Facebook@香港交通突發報料區
事緣網民在畢架山花園的九巴巴士站發現一個奇怪「候車」新裝置，並寫著「候車請按掣」，新裝置外表就像普通家用門鐘的按鈕。只見巴士站頂部有一盞紅色燈，類似巴士車廂內的紅色落車燈。
九巴回覆傳媒查詢時表示，這是一項現正進行的試驗計劃，擬於個別的車站設置「提示燈」，輔助乘客在光線不佳的情況下候車，裝置亦在調整階段。若試驗成功，乘客除了向巴士揚手示意之外，就能利用提示燈提示巴士進站。
照片被貼上Facebook群組香港交通突發報料區後被熱議，網民普遍認為新裝置作用不大，「同一個站有咁多條線，我襟掣司機邊知我搭邊條？唔通一條線一盞燈咩！」、網民亦質疑「如果唔記得襟掣，司機係咪就可以大條道理唔埋站？」，紛紛表示「睇落就已經無咩用，實際上就應該更無用。」亦建議不如整多部風扇好過，等車時無咁熱。
