女生剪瀏海結果慘變激短狗咬陰 !網民爆笑回應:這是「生氣瀏海」
廣告
韓國空氣瀏海因容易Carry又顯氣質,深受亞洲女生歡迎!一位馬來西亞檳城女生都忍唔住想試一試,點知幫佢剪嘅髮型師大失手,越剪越短,最終慘變激短煲蓋陰!髮型大崩壞嘅佢忍唔住喺Facebook出Post大吐苦水,隨即引發網民激烈留言討論。髮型屋總監得知事件後急急約佢補救!到底佢嘅髮型最終救唔救得返呢?
髮型師大失手!空氣瀏海慘變激短煲蓋陰!
住在馬來西亞檳城的Celine想試一試韓國大熱的空氣瀏海,於是去相熟嘅髮型屋理髮,點知平時剪開嘅髮型師都fully book,所以髮型屋就委派咗另一位髮型師幫佢剪,點知就出咗事!
![空氣瀏海 Celine原本樣子甜美。(圖片授權:FB@Celine Teoh)](https://imgs.weekendhk.com/wp-content/uploads/2021/03/82109107_2932764203420668_1101160783548514304_n_26514588360508e2585168.jpg)
髮型師大失手將佢嘅瀏海越剪越短,結果說好的空氣瀏海變左個煲蓋頭。
![空氣瀏海 剪完之後大崩壞,瀏海直逼髮際線高度!](https://imgs.weekendhk.com/wp-content/uploads/2021/03/158874376_4082461798450897_6586113683960279278_o_20375777706050636a4a55e-768x1024.jpg)
網民爆笑回應:「不是空氣瀏海 是生氣瀏海」!
事主見到自己個頭剪到咁肉酸,越諗越嬲,於是係自己個Facebook出Post分享自己嘅經歷,隨即掀起網民熱烈留言討論。一齊嚟睇下網民爆笑嘅回應。
![網調侃這不是空氣瀏海而是「生氣瀏海」。](https://imgs.weekendhk.com/wp-content/uploads/2021/03/_12781828786050786f533df.jpg)
另外還有網民稱事主的新髮型係「缺氧瀏海」、「禿頭瀏海」等等。
![空氣瀏海 亦有網民笑指事主的瀏海不止空氣,還很透氣。](https://imgs.weekendhk.com/wp-content/uploads/2021/03/_3437861276050787077dc3.jpg)
除左幫事主嘅新髮型改名外,仲有網民發揮小宇宙爆笑改圖。
![空氣瀏海 網民Marcus更製作爆笑改圖贈興](https://imgs.weekendhk.com/wp-content/uploads/2021/03/160184754_1613018422420881_2520509641694126683_n_1408452745605075aed40d9.jpg)
大家都不禁感嘆髮型師真係好重要!
髮型師急急補救!
該髮型屋負責人得知事件後,急急聯絡事主道歉,並派出髮型總監為事主急救髮型。一齊睇下到底救唔救得返。
![空氣瀏海 經過髮型師力挽狂瀾後嘅髮型,大家又覺得成唔成功呢?](https://imgs.weekendhk.com/wp-content/uploads/2021/03/after_135145435660507b9188c41-944x1024.jpg)
![空氣瀏海 看起來非常仙氣。](https://imgs.weekendhk.com/wp-content/uploads/2021/03/160157466_4096369900393420_1517615480894775274_n_50402061560508e5af2887.jpg)
髮型屋出post道歉
髮型屋事後都做足公關措施,展現出補救嘅誠意。
![空氣瀏海 髮型屋貼文回應,表示日後會提升對髮型師的培訓。](https://imgs.weekendhk.com/wp-content/uploads/2021/03/_99187669260507ca9cf00d-750x1024.jpg)
被質疑係炒作?
大部分網民都同情事主「慘痛」嘅經歷,但亦有不少網民質疑事主同髮型屋係夾埋一齊做場大龍鳳搏宣傳。
![空氣瀏海 網民質疑事主夾埋髮型屋炒作。](https://imgs.weekendhk.com/wp-content/uploads/2021/03/_48323213760507d2652f80.jpg)
![空氣瀏海 亦有網民覺得成件事係廣告宣傳手法。](https://imgs.weekendhk.com/wp-content/uploads/2021/03/_18489016360507e1795b04.jpg)
![空氣瀏海 亦有網民毫不客氣,揶揄事主的新髮型係過氣瀏海。](https://imgs.weekendhk.com/wp-content/uploads/2021/03/159181330_529127651812503_305932929931579417_o_5632721136050863acac5e.jpg)
![空氣瀏海 想好似IU咁靚,首先都要有個好嘅髮型師啊!](https://imgs.weekendhk.com/wp-content/uploads/2022/03/-2022-03-22-4.04.05_115972852262398aa93898d-822x1024.jpg)
事主霸氣長文回應爭議!
不過對於網民嘅抨擊,事主就出長文否認,指自己事前根本無收過錢,而且係真金白銀俾錢出嚟剪頭髮,之後被髮型屋總監的真誠打動,才會讓他們補救。
![空氣瀏海 事主發長文回應炒作指控。](https://imgs.weekendhk.com/wp-content/uploads/2021/03/1_2413385586050809ea5d88-657x1024.jpg)
![空氣瀏海 事主表示自己是被髮型師總監的用心感動,勸喻網民唔好再批評佢嘅髮型。](https://imgs.weekendhk.com/wp-content/uploads/2021/03/2_1242429449605080a064a69-655x1024.jpg)
圖片來源:Facebook@Celine Teoh
撰文:Mila圖片來源:Facebook@Celine Teoh授權照片、Facebook@Hairstory截圖