搭的士上環經紅隧去粉嶺!男女為慳$45要求收據印西隧車費被拒|網絡熱話
行紅隧改印西隧費用 為私吞$45差額
日前,司機在晚上11時許,一對男女於上環永安中心上車,「男的住火炭銀禧花園、女的住粉嶺皇后山村」,司機如常向乘客確認經紅隧、獅隧前往目的地,女乘客抱怨的士車資高昂,男乘客則指:「Claim公司之嘛,咪叫師傅幫你印西隧飛囉,師傅你OK㗎呵?」,司機以犯法為由斷然拒絕,男乘客續指:「我哋成日都咁㗎喎,得㗎。」司機再拒絕並指「一係你落車再搭過第二架,我行咩隧道就打咩單。」男乘客至此保持沉默。
![的士 肇事男女乘客](https://imgs.weekendhk.com/wp-content/uploads/2022/09/-taxi1_1791601010633033d7d5231-1024x536.jpg)
女乘客「再接再厲」 司機扯火
男女乘客自說自話,直至到達第一站火炭銀禧花園,男乘客下車後,女乘客仍不死心,遊說司機:「我成日都係咁㗎喎,真係無事!」司機再次拒絕並不滿表示:「唔該你哋唔好成日叫司機做埋咁嘅嘢,我哋唔會幫你哋做犯法嘅事。」司機在帖文中上載了幾幅似乎是肇事男女乘客在車廂的照片,強調他的遭遇是真人真事,並存有錄音,不過未有打算上載錄音。
![的士 女乘客「再接再厲」惹司機扯火](https://imgs.weekendhk.com/wp-content/uploads/2022/09/fb-taxi4_1166240260633033347420c.jpg)
男女乘客無人幫 司機公審手法惹非議
大部分網民均讚賞司機的堅持,「的哥做得好,仲有教育意義」、「支持司機遵守法紀」,又有網民不恥男女乘客的貪心行為,「已經claim公司仲想倒賺咁仆街」、「詐騙」、「好想知咩公司,希望炒咗兩條乞丐」。另一邊廂,有網民雖然不同意男女乘客的所作所為,但也怒斥司機公審他們的行為,「雖然道理喺你嗰邊,但你竟然post佢哋個樣上網,非常無品!」、「兩名乘客唔啱,你當面拒絕咪算,仲要出人個樣,多得樓主,我多個理由唔搭的士」、「仲要Zoom大頭,你咪報警囉,覺得自己好型呀,的士佬?」
![的士司機的服務態度一向備受質疑](https://imgs.weekendhk.com/wp-content/uploads/2022/09/unsplashjoydeep-sensarma_572030843633032e722874-768x1024.jpg)
資料來源:FB@的士司機資訊網 Taxi