港男訂酒店花一晚精心佈置求婚！帶女友進房全部裝飾被職員丟棄｜網絡熱話

準人夫訂酒店準備求婚 花一晚精心佈置

事主指，當日訂了酒店幫女朋友慶祝生日，原訂入住日期是5月26日至5月30日，港男更打算在入住當晚（26日）向女朋友求婚。為了給女朋友驚喜，港男偷偷訂早一日，於25日自己提早入住酒店，為的就是好好佈置房間，準備第二日女朋友入住時給她驚喜。

稱早與酒店事先溝通好、會協助事主求婚

而為了保證求婚順利，港男稱「事前我一早就同酒店方傾好， 可以協助我求婚有關嘅安排」，港男更再三與酒店職員夾好，第二天會扮入住，亦有提醒酒店職員不要入房及觸碰所有佈置，事港男也把求婚花束在窗邊放好，離開時酒店職員亦沒有為事主check out，當時港男心想一切都準備好，只等明天的重要日子來臨，沒想到「原來等緊我嘅係一個惡夢」……

房門一開見房務員整理房間中、所有佈置被清走

當日港男與未婚妻到了酒店，就扮 check-in 好上房， 港男更準備用眼罩蒙住未婚妻，叫她等一等，港男指「我想像嘅畫面原本係我開好哂啲佈置咗嘅燈飾，手攞花束跪好向佢求婚」，理應浪漫又驚喜，但當港男開門的一刻，卻受到極大的驚嚇！

原來開門的時候，他們看到一名房務員正在打掃！更驚嚇是港男早一晚準備的所有佈置都被拆掉，港男指「我嗰一刻熄咗機。。真係隔咗好幾秒，我先反應到」，該房務員更好奇問「點解會check-in，唔係話間房未準備好」，一副不知情的樣子。港男即時問職員為何房間內的裝飾全被清走，房務員表現不清楚，直言「冇人通知呢間房有咩特別」。事主即去前台問清楚，對方回應「我唔知點解」，只表示有向員工交代該房間的事情，港男表示極度憤怒！

驚喜全失、裝飾品被棄置只剩花束

港男未婚妻當下就知道男朋友為自己準備的驚喜，可是房內所以裝飾都沒了，女朋友也忍不住質問酒店職員發生什麼事、佈置和花束去了哪裡，「職員回應係已經掉哂」，但過一陣子後又表示「仲有紮花係度」，稱可以拾回花束，事主當下表示「真係欲哭無淚，未婚妻攬住紮佢地唔知喺邊度執返黎，但原本係用來同佢求婚嘅花傷心到喊」，令人相當心痛……

酒店經理親回應：「只可以賠錢」

發生件事之後，港男和女友也不想再留在這間酒店，於是當日馬上訂了另一間酒店繼續慶祝一個如此「難忘」的生日。港男續指，酒店經理曾聯絡他道歉，亦指今次事件是他們的責任，但只能夠賠償花及佈置物品的費用，以及埋酒店房錢，勿勿交代之後就當事情告一段落。

港男直言：「人生中最黑暗最難忘嘅一日」

港男指，該事件對他及未婚妻來說，是一件「唔想再回憶嘅事」，因為酒店的失誤，錯失了求婚的驚喜與快樂，直言「就算酒店願意賠償物件上嘅費用，但錯過咗嘅時光，我嘅心血….好多好多都無辦法用金錢去賠償」，最後事主呼籲，如果有人剛好也想預訂該酒店去慶祝或者做特別的事情，真的要好好想清楚，坦言「我唔希望有其他人同我一樣有同樣嘅事情發生」，慨歎「2022年5月26日…可以話係我人生中最黑暗最難忘嘅一日」。

網民：如果係我真係嬲到放火燒左間酒店都似

不少網民看到事主都經歷都表示「好慘」、「睇文字都感覺到傷心欲絕，仲有頂級嬲」，更有網民直言「一生人一次嘅求婚，比著我真係嬲到放火燒咗間酒店都似」，認為酒店的做法實在太過份，更指正常酒店職員「見到佈置得咁靚，係打掃前都一定會再三問清楚前台，執房那位職員好大責任」；更有網民看不過眼，打去酒店幫港男投訴「唔關我事都打咗落去質問點解可以咁白痴」。希望事主不要被這件事影響，好好準備結婚的事吧！

資料來源：香港 Staycation 酒店交流谷