新都城3房裝修變機關屋 設升降飯枱、巨型地台 網民驚呼:天才先諗到
新都城3房單位設巨型地台、升降飯枱 網民:本身咁大都搞到咁?
這次將軍澳新都城的單位3房2廁2廳,設計師阿Lo用多了地台設計用以收納作用,加上屋內住了2位小朋友和工人姐姐,所以阿Lo在客廳間了一間工人房。而最特別的是由於飯廳間了工人房,客廳要用作飯廳,為了慳位,阿Lo這次為業主造了一張電動升降枱,平日可以收埋,要吃飯時才把它抬起。
![新都城 裝修](https://imgs.weekendhk.com/wp-content/uploads/2023/03/-2023-03-13-4.10.48_2052584869640edab3218da.png)
網民:成個飯廳消失咗!
不過有不少網民看到設計後大表不解,有人指「咁X大個廳,連張飯檯同茶几都要升降式,叫班朋友嚟都比人笑」、 「廚房隻色已經夠X,牆上面仲要有4個插蘇位一個個整齊排開,X到笑死人」、 「個廳真係痴線,話想多啲儲物空間,但唔會想食個飯都咁辛苦呀」、 「要喺張飯枱同茶几上面行嚟行去?」、 「老土俗氣,朋友上嚟玩都白鴿眼」、 「張飯枱下面擺唔到嘢,茶几下面擺唔到嘢,仲要擺埋梳化,個地台仲有幾多位畀佢擺嘢?」、 「佢講明廚櫃隻色係戶主比較鐘意,即係個客自己選擇,我估佢自己都知出事」、 「成個廳大半都係地台,地台上行來行去姐係要成日抹」、 「空間就是空間,做地台只係會將空間縮小,買少啲嘢仲好」。
新都城膺十大屋苑
新都城位於將軍澳寶林站地段,由恒基地產發展,最早自1996年12月起入伙,屋苑分3期發展,合共21座,提供多達6,768伙單位,全數圍繞港鐵寶琳站而建,屬於香港十大屋苑之一。新都城各期單位間隔多元化,整體實用面積介乎363至735平方呎,主力涵蓋2房、3房連套房、3房連套房及儲物房等戶型,亦有少量連平台戶及頂層連天台戶。 新都城成為上車家庭熱門屋苑,除了交通便利,往返九龍港島有港鐵直達,各期基座商場店舖種類繁多,方便住客日常消費,亦有多條行人天橋連接附近公屋商場。 新都城平均放盤呎價16,189元,為將軍澳區租售活躍私樓之一。 校網方面,新都城屬於小學95校網,中學則為西貢區。
原文刊於:《經濟一週》