七師傅教中女開發外國男人市場 符合3條件超搶手:唔驚嫁唔出
廣告
有云「外國的月光特別圓」,不時都會聽到有人嚮往嫁到外地,生一個金髮碧眼的下一代。同樣嫁給外國老公的七仙羽(七師傅)日前就在節目上,剖白與荷蘭老公的相愛經過,原來竟是因七師傅撞樣一位華人女星,令老公一見鍾情!大方的七師傅在大曬自己的成功例子後,更教路一班港女可以開發外國市場,專攻外國人,只因他們「唔識睇人」,符合3大條件的「中女」在他們眼中原來十分吸引!
七師傅上節目大談溝仔經 教港女開發外國市場
七師傅日前受邀到節目《搵鬼做情人》,分享自己與荷蘭老公的戀愛故事。這個節目專門邀請娛樂圈中與外國人共組家庭的藝人,大談不同國籍的戀愛習慣與風俗。向來「有嗰句講嗰句」的七師傅在節目上就大方表達自身溝仔經,更主動教一眾「嫁唔出」的港女應努力開發外國市場!
![七師傅 七師傅孖荷蘭老公上節目大談戀愛經歷。](https://imgs.weekendhk.com/wp-content/uploads/2023/02/whatsapp-image-2023-02-19-at-13.13.03_213419454163f1afff85493-1024x560.jpeg)
中女符合3大條件最搶手:鬼佬唔識睇
七師傅坦言外國人的審美與亞洲人不一樣,更笑言他們「唔識睇人」,故此在香港嫁唔出而被定義為「中女」的港女們,可以積極嘗試開發外國人市場,並直指符合「醜、老、嫁唔出」3大條件的「中女」將更為搶手。
![七師傅 七師傅揚言外國人鍾情「醜、老、嫁唔出」的「中女」,聽到女主持謝茜嘉笑爆肚。](https://imgs.weekendhk.com/wp-content/uploads/2023/02/whatsapp-image-2023-02-19-at-13.13.04_80305328163f1b001bd164-1024x575.jpeg)
荷蘭老公貪七師傅撞樣華人女星 一見鍾情終成眷屬
雖然七師傅堅信外國人鍾情「醜、老、嫁唔出」的「中女」,但她卻表示自己的荷蘭老公阿龍在亞洲生活多年,早已具備分辨美女的能力,所以才會追求自己。而阿龍亦在節目中表示自己對亞洲文化十分感興趣,房間更張貼了一位華人女星的海報,後來遇見七師傅後,認為七師傅與海報上的女星撞樣,隨即一見鍾情展開攻勢。後來七師傅急不及待開估,原來與她撞樣的海報女星是演員鞏俐。
![七師傅 阿龍因認為七師傅撞樣鞏俐而對她一見鍾情。](https://imgs.weekendhk.com/wp-content/uploads/2023/02/whatsapp-image-2023-02-19-at-13.13.04-1_93788944463f1b000852cd-576x1024.jpeg)
網民讚揚可信度高:外國人係食得偏啲
七師傅的「3大條件中女論」引起網民關注,有網民指「外國人係食得偏啲」、「睇慣濃眉大眼、鍾意單眼皮鳳眼」,更有網民自嘲指「唔怪得成日有鬼佬讚我靚」。不少網民又笑稱七師傅的言論「夠晒中肯」,只因「咁大個人板坐喺度」、「分享成功例子」,直指「可信度十足」。
圖片來源:TVB《搵鬼做情人》截圖、微博@鞏俐是有粉絲的資料或影片來源:TVB《搵鬼做情人》