粉紅Cafe + 少女夢幻靚餐廳!! 首爾5大 Selfie 呃like Check Point

Jul 23 2016

去旅行「相機食先」，總會被人鬧港女港男！做人均真啲，難得有幾日假期，逃離香港享受自由，自拍打卡晒命是常識吧！韓仔韓妹深明大道理，新熱潮新蒲點絕對逃唔過佢哋嘅法眼，所以跟住佢哋嘅「呃 like 雷達」去潮遊首爾，就絕對唔怕無靚位 Selfie！

但網上傳聞總會誇大，期就帶你實地考察近期韓仔韓妹必去的人氣蒲點；當然，去之前一定要好好準備，所以仲要去埋韓模潮店尋寶掃平貨，換件潮服化個韓妝，Post 相後保證你「追蹤兵」人數立即飆升！

撰文：Alex ｜攝影：Wyman

1. 少女味爆發喪 Selfie 粉紅大屋－VANT 36.5 Café

睇韓妹 Instagram，見佢哋個個都喺一間粉紅屋自拍,原來位置近於弘大，上年年底由美妝品牌 VANT 36.5 同 MENON Café 合作開的複合式Café。全幢粉紅色勁搶眼，真係隔幾條街都望到，唔怕搵唔到路！踩場當日雖然是平日，但Café依然勁多人，訪問個個都話係為咗嚟影相，真係好誇張！剛到埗 Model Yoshi 就少女心爆發，自拍咗成15分鐘先肯坐定定開工！不過真係咁好影？實地考察發現店內設計較簡約，以白牆為主；而門外距離又不足影晒全幢粉紅屋，所以影幾張已可收工！反而真心推介要去後花園，立即跟住 Yoshi 衝過去睇睇啦！

呢個位好難影得晒成幢粉紅屋,而且陽光唔充足,影張普通打卡相已足夠! — 呢個位好難影得晒成幢粉紅屋，而且陽光唔充足，影張普通打卡相已足夠！

甜品扮妝物呃 like 指數再升

解要主攻後花園？因為戶外陽光充足，位置寬敞而且桌椅色彩鮮艷，跟粉紅屋撞色效果勁靚！如果想自拍時更多變化，千祈唔好錯過 Café 內不同造型的甜品蛋糕，當小道具齊齊入鏡，而且影完仲有得食，大滿足！Model Yoshi最愛朱古力蛋糕，Chocolate Mousse 入口甜而不膩，濃濃朱古力香而且口感綿密，勁好味，最重要是蛋糕外形原來是參照 VANT 36.5 王牌粉底設計，極具代表性！而開心果紅莓蛋糕造型最靚，蛋糕鬆軟帶微微果酸，唔會太飽肚，最啱下午茶食！食完休息夠有氣有力，自然可以同朋友仔繼續瘋狂影相！

店內設計太簡約,四邊都是白牆,影相完全扣分! — 店內設計太簡約，四邊都是白牆，影相完全扣分！

Tiramisu W5,300 / HK$35 咖啡味濃郁,而且 Cream 唔會太甜,Model 完全食唔停口。 — Tiramisu W5,300 / HK$35
咖啡味濃郁，而且 Cream 唔會太甜，Model 完全食唔停口。

開心果紅莓蛋糕 W6,500 / HK$43 莓果微酸勁開胃,餅底蛋糕非常鬆軟! — 開心果紅莓蛋糕 W6,500 / HK$43
莓果微酸勁開胃，餅底蛋糕非常鬆軟！

現時於店內買任何妝物,即送冰凍 Americano 一杯, 坐室外影相有冰凍飲品,好貼心! — 現時於店內買任何妝物，即送冰凍 Americano 一杯，坐室外影相有冰凍飲品，好貼心！

VANT 36.5招牌朱古力蛋糕 W6,800 / HK$45 超濃朱古力,Chocolate Mousse 非常綿密, 仲有少少流心,好邪惡! — VANT 36.5招牌朱古力蛋糕 W6,800 / HK$45
超濃朱古力，Chocolate Mousse 非常綿密，仲有少少流心，好邪惡！

Sumin 學生這裡的環境非常可愛,而且地方好大,我哋四圍影相都影咗一個鐘! — Sumin 學生
這裡的環境非常可愛，而且地方好大，我哋四圍影相都影咗一個鐘！

＊打卡秘技：粉紅大屋勁夢幻，所以咪再影大頭照，叫朋友係影全景先可以呃到 like！

VANT 36.5 Café

地址：서울시 마포구 와우산로29가길 84 （首爾市麻浦區臥牛山路29街84）（顯示地圖）
電話：+82(- 0)2-6275-1999
營業時間：11:30am-9:30pm
網址：www.vant365.com
交通：乘地鐵 2號線弘大入口站9號出口步行約10分鐘

2. 萌爆天台任攞吹氣小道具－Contoyner

韓仔韓妹影相點解咁多 Like，除咗識得擺 Pose，眼尖的大家一定有發現佢哋真係有好多小道具！明查暗訪終於搵到位於弘大的 Contoyner，踏入舖頭已見到堆成山的玩具公仔，而全場不論男女都拎起手機狂影，真係勁誇張！2樓玩具店頗混亂，不是影相好地方，重點是要上天台狂影，場中放滿了不同吹氣小道具如棒棒糖、天鵝、雪糕等，仲有間勁夢幻的小黃屋，隨手拎起一件自拍已經勁靚，賣萌扮 Cute 搶鏡絕對無難度！點止Yoshi瘋狂自拍，現場仲見到小鮮肉行孖咇忘我地同天鵝合照，真係好想立即畀個 Like 佢哋呀！記住，唔好怕羞先影到靚相嘛！

Shinwan 學生成班朋友去，齊齊拎公仔小道具影相，似開Party勁興奮！ — Shinwan 學生
成班朋友去，齊齊拎公仔小道具影相，似開Party勁興奮！

店內雖然有冷氣,不過真係太混亂,想自拍請上天台。 — 店內雖然有冷氣，不過真係太混亂，想自拍請上天台。

韓仔 oppa 唔怕眾人目光,兩個人嚟影相,夠膽識! — 韓仔 oppa 唔怕眾人目光，兩個人嚟影相，夠膽識！

韓妹親自示範,仲教路呢期影相要木無表情！ — 韓妹親自示範，仲教路呢期影相要木無表情！

彩虹飲品 W6,000 / HK$40 呢度「彩虹」好繽紛,成杯鮮藍色,似乎色素超高所以記者就唔敢試,有無勇士舉手? — 彩虹飲品 W6,000 / HK$40
呢度「彩虹」好繽紛，成杯鮮藍色，似乎色素超高所以記者就唔敢試，有無勇士舉手？

＊打卡秘技：全場最靚位一定係小黃屋，叫一杯嘢飲就可以無限時喪影，抵玩!

Contoyner

地址：서울시 마포구 와우산로13길 49-9（首爾市麻浦區臥牛山路13巷49-9）（顯示地圖）
電話：+82(- 0)2-6012-0655
營業時間：1pm-11pm
交通：乘地鐵2號線弘大入口站 6號出口步行約8分鐘
最低消費：1杯飲品

浪漫過韓劇踩入花花世界

影完可愛賣萌照，再去挑戰優雅的淑女 style 吧！近年首爾街頭出現了不少以「花」作為主題的咖啡廳，猶如置身韓劇的浪漫場景歎咖啡，勁夢幻！而且更興起「花食」的新潮流，並不是食唧花造型的甜品咁簡單，係食真。鮮花，飲品蛋糕的造型仲要超靚，一打卡即吸引朋友高度關注！想影輯仙氣寫真？唔使帶專業攝影師，用自拍神棍已經綽綽有餘。

3. 戴上花環叢林仙氣一影就有－Florté Flower Café

問韓國朋友弘大有咩自拍好去處，個個都話一定要去 Florte Flower Café，仲叫我手機一定要叉足電！咁巴閉？即去睇睇。位於弘大較恬靜的內街，齋睇外觀以為是花店，不過大門外的櫻花樹已驚現自拍人龍，室內仲正，同行攝影師 Wyman 更推介必坐窗邊位，話自然光影相好似用了美肌效果！不過同韓妹鬥依然輸幾條街，點解？事關店內少女全都戴住花環，個個花仙子般自拍，問一問先知原來是由店舖供應，勁貼心！影完相記得不要錯過店內各種花花飲品，尤其以咖啡最出名，更全部都綴有食用鮮花，特別推介 Flower Latte，入口微甜滿滿花香，杯中有朵紅玫瑰勁浪漫，真係靚到唔捨得飲！

Flower Latte W6,300 / HK$42（最受歡迎）杯中玫瑰勁突出,入口唔會太重苦味,好適合女仔飲。 — Flower Latte W6,300 / HK$42（最受歡迎！）
杯中玫瑰勁突出，入口唔會太重苦味，好適合女仔飲。

Laspberry Mojito W5,000 / HK$33 果味濃郁又不含酒精, 飲晒成杯都唔會怕醉。 — Laspberry Mojito W5,000 / HK$33
果味濃郁又不含酒精，飲晒成杯都唔會怕醉。

店員靚女又有小鮮肉坐鎮,不時有人搵佢哋一齊影！ — 店員靚女又有小鮮肉坐鎮，不時有人搵佢哋一齊影！

呢度非常適合成班女仔一齊嚟,環境舒服可以傾成日。攝影師推介必坐有充足自然光的窗邊位, 影相時記得要扮自然,如圖中韓妹的「少女祈禱」只會出事! — 呢度非常適合成班女仔一齊嚟，環境舒服可以傾成日。攝影師推介必坐有充足自然光的窗邊位，影相時記得要扮自然，如圖中韓妹的「少女祈禱」只會出事！

店中有勁多花環揀,仲有齊唔同顏色,總有一個啱你心水。 — 店中有勁多花環揀，仲有齊唔同顏色，總有一個啱你心水。

＊打卡秘技：攝影師 Wyman 教路，只要背景矇一點，加杯飲品突出主體，仙氣即刻出晒嚟！

Florté Flower Café

地址：서울시마포구 신촌로6길 22 1층（首爾市麻浦區新村路6街22）（顯示地圖）
電話：+82(- 0)2-322-0122
營業時間：10:30am-11pm
交通：乘地鐵2號線弘大入口站 6號出口步行約5分鐘

4. 超夢幻花食幾朵鮮花插在蛋糕上－8b DOLCE

放幾塊鮮花上甜品上就當成「花食」，似乎馬虎咗少少喎！惟有上網不停起底，皇天不負有心人，終於搵到真正的「花食」甜品，外形勁夢幻的花環蛋糕，原來是出自於日本過江龍8b DOLCE，品牌在大阪以卷蛋起家，而圓圈蛋糕則以水果為主，但被引進首爾後，立即改為用鮮花製作，「呃 like」視覺效果滿分！可惜入口花味唔突出，幸好雲呢嗱蛋糕餅底鬆軟，食落口清甜唔膩口，一個人KO一個完全無問題！想繼續自拍？記得飲埋店中不同味道的花花蘇打飲品，檸檬口味最透心涼，炎夏消暑一流！店員話由於食用鮮花未必日日有，所以想食最好打電話問問。

（由左至右）
Pomegranate Flowerade W6,000 / HK$40
石榴味幾重，略略蓋過了花香，不過夠甜夠涼快，女仔會鍾意。
Blue Lemon Flowerade W6,000 / HK$40
檸檬酸味唔算勁，飲落非常透心涼，加上藍色飲品今期勁 hit，必試！
Rose Flowerade W6,000 / HK$40
全杯都是花香，味道非常清新，帶點薄荷味道，好醒神！
Green Grape Flowerade W6,000 / HK$40
提子味一定最穩陣，而且鮮花唔算多，男仔第一次飲可以試。

＊打卡秘技：因為花花蘇打飲品造型唔算突出，所以記得要落重本叫晒4杯，影相先有效果!

Flower Bavarois 花環蛋糕(12cm)W12,000 / HK$79 味道唔算好驚喜,而且花味淡,不過造型滿分! 有供應的日子都只係得50個,想食記得早少少去。 — Flower Bavarois 花環蛋糕（12cm）W12,000 / HK$79
味道唔算好驚喜，而且花味淡，不過造型滿分！有供應的日子都只係得50個，想食記得早少少去。

架上驚見簽名杯,訪問後發現原來不少韓星都是捧場客！ — 架上驚見簽名杯，訪問後發現原來不少韓星都是捧場客！

Jisu 學生之前試過嚟但買唔到, 今次特登11點嚟到就終於試到,花環蛋糕味道唔錯, 鮮花無苦澀味! — Jisu 學生
之前試過嚟但買唔到，今次特登11點嚟到就終於試到，花環蛋糕味道唔錯，鮮花無苦澀味！

8b DOLCE

地址：서울시 강남구 신사동 551-1（首爾市江南區新沙洞 551-1）（顯示地圖）
電話：+82-(0)2-542-0888
營業時間：10:30am-9:30pm
交通：乘地鐵3號線新沙站 8號出口步行約8分鐘

5. 傳統韓食都跟隊春田花花拌飯－열두달

以為「花食」只可用於甜品上？少年你太年輕了！雖然未誇張到是「鮮花泡菜」，但花花 x 傳統拌飯已經夠吸引！在益善洞的열두달，主打新派 Fusion 韓菜，朴大廚希望用創意將韓國傳統食物發揚光大！最受歡迎的「春田花花拌飯」以食用鮮花代替平時的大豆芽、蔬菜等，配上流心太陽蛋，攪拌混合後滿滿蛋漿，鮮花不似蔬菜有苦澀味，食落勁清新，Model Yoshi 都話對傳統韓菜另眼相看！相機食先？唔使自拍，齋影拌飯已經令點擊率暴增啦！