iPhone叉電線 防斷神器！日本100円店抵用好物推介
廣告
「條叉電線又斷？」iPhone嘅用家對呢句一定深同感受，條iPhone叉電線經常性地斷，明明用得好小心都唔知點解會突然間斷咗，買過條線都要百幾二百蚊。而家只要港幣幾蚊就可以解決呢個問題！最近發現係日本100円店「CAN DO」有一個平靚正嘅產品，就係iPhone線嘅保護膠，舊膠完美地保護條線最脆弱嘅位置，幾蚊就可以令到條線用得耐啲，真心抵！
iPhone叉電線 防斷神器到底何方神聖？
所謂「預防勝於治療」，與其等佢爛咗再整返好佢，不如唔好畀佢爛好好保護佢。最近日本100円店就有賣呢個iPhone線嘅保護膠，為起港幣都係幾蚊，但就可以保護條線，性價比極高，去日本真係要掃返幾包返香港。一包有兩舊保護膠，包哂一條線嘅兩邊，夠哂安全。
呢個抵買嘅充電線保護器原理真係好簡單，平時最易爛就係充電頭與電線交接嘅位置，而保護器就是兩組嘅膠件，先係白色較長嘅膠件包住交接位置，然後再用有色彩鮮豔嘅膠圈碼實，就可以達致保護嘅功效。唔少網民睇到都即刻想去買返個，用幾蚊就可以慳返百幾二百蚊買條線啦，見大家嘅評價都唔錯呢。
