HK Express廉航被指多劣質旅人 乘客不宜太窮酸！
廣告
又嚟喇又嚟喇，HK Express 又有平機票，今次mega sales 最平98蚊，仲可以訂埋出年嘅機票！無論HK Express有幾多delay、取消班機事件，一有得平就好多香港人都衝出買！正所謂「食得鹹魚抵得渴」，好多網友都覺得平就預咗會出事，但原來唔止廉航公司質素差啲，有網友大呻，HK Express廉航乘客質素絕對係全城最差！
文：杜遊珍 資料來源：連登討論區
我係乞衣！我要平機票！
近日有網友係HK Express 的平機票post度留言，話「HK Express 你地個CEO係唔係返工嫁，大家在FB插咗你地咁多次都唔回應？大阪東京幾時有$68呀，答我」，圍觀網友就睇唔過眼，叫佢唔好成個「乞衣」咁，點知就激發咗事主嘅自白「我係乞衣！」可惜此精彩對話已被刪，大家無得上去食花生啦！
HK Express乘客 行為窮酸
事主的「乞機票」行為引發了網友的討論，覺得「hkexpress客特別西」，而且比例比其他航空公司高好多，討論區上好多留言都指「好似癲狗咁乞平機票，成陣窮酸味湧晒出嚟！」、「發窮惡」、「越cheap客越西」等留言。
網友熱論：廉航客人特別麻煩！
除了行為窮酸之外，好多網友都分享自己的親身經驗，表示「廉航客人真係麻煩好多！」明明手提行李的quota只有兩個，但就好多人鬧地勤或者偷雞拎上機，再塞爆晒飛機上面locker，令到其他人都用唔到！
