100%求婚成功，傳說斐濟水上飄酒吧Cloud9！

採訪：yuki@港女講旅行　攝影：Woody、yuki@港女講旅行

斐濟水上飄

先簡單講講斐濟這個地方，位置就是瓦努阿圖對落，出名水清沙幼，拍得住馬爾代夫。因為斐濟鄰近澳洲，所以一向是澳紐人的度假天堂。我所講的 Cloud9是全球唯一一間兩層高浮台酒吧，位處當地馬馬努卡群島（Mamanuca Islands）附近，蔚藍的大海中心。開業3年，更被譽為世上最想去的酒吧之一！

先到先得！海景搶手Sunbed

不過唔經辛苦，又怎會見到靚景！朝早8時由Nadi市內的酒店車出發，乘再去到Port Denarau轉船。碼頭內有不同的船公司，經營不同的跳島一天遊，當然亦有Cloud9的接送服務。整個船程約40分鐘，以為沿途的海景已經夠靚，但遙遙見到四處無人，獨立浮在海中心的酒吧，感覺就更加夢幻。

一踏上浮台，先被侍應以熱情的「Bula!Bula!」（斐濟語：你好）歡迎，第一層是調酒台、料理檯、洗手間和約20張的sunbed。因為我們是第一批客人，sunbed先到先得，浮台邊正對大海的最受歡迎，當然要搶先影返張靚相。走上第二層，可以眺望一大片海，景觀更好。

跳入無盡玻璃水

這個千金難買的海景，睇足一日只要FJD200/HK$756（已包船接送來往碼頭、FJD50/HK$189餐飲），不設時限被無盡的玻璃水所包圍。難得的是附近的水域清澈見底，水深約7、8米，海浪不大，隨時在後上租用浮潛用具，就可以跳落水！（其他外國人水性好，連面鏡、呼吸管都唔需要）不過浮潛見不到很多魚，游個水已經很開心！

上水之後叫杯酒，再試試他們即製的Pizza！完全無諗過，在海中心都可以食到意大利傳統柴燒的Pizza，皮簿又脆，超美味；如果喜歡刺激的水上活動，更可以事前跟酒吧預約，另外加錢安排水上電單車、water ski玩！眼見其他遊客都會留足一日，但因為我來到之前並無想像會咁靚，所以下午早已經安排其他行程，諗起都覺得蝕！

Cloud 9
地址：Ro Ro Reef off Malolo Island, Fiji Islands
電話：+679(0) 869-7947
價錢：FJD200/HK$759（費用已包快艇接送及FJD60/HK$228餐飲）
營業時間：10am-5pm
前往方法：由Nadi機場乘20分鐘車程至Port Denarau，轉乘45分鐘快艇即達
網址：cloud9.com.fj