獨遊自拍神器｜150cm「增高大法」 旅遊Blogger大阪親身試機

文：啦兒＠啦兒遊日記

影埋摩天大廈 增高無難度

呢部機一大好處就係有 19mm 廣角，影風景同大合照夠晒 wide 之餘，仲有拉長效果，令 150cm 嘅我睇落高咗幾寸，效果都幾自然。

就算唔夠瞓都可以美顏

去旅行皮膚差，呢部機可以從專屬美顏模式中選擇平滑肌膚、膚色、亮度及立體感，每個設定都有7個微調等級，可以自由調校至最適合自己嘅美顏效果，一落機唔夠瞓，影出來個樣都好精神。

天氣不似預期 自己的背景自己救

去旅行未必次次好天氣，好似我咁遇著天陰陰，就可以用「美顏藝術」 入面 HDR 模式去平衡色彩同光線，亦適合背光時使用。「美顏藝術」其實似相機濾鏡，其中「鮮艷」同「模糊背景」模式，前者可以令顏色繽紛嘅背景更為突出，後者可以做出單反般的景深效果，非常好玩。

誇張搞笑慢動作

CASIO 相機仲加入咗「誇張慢動作」功能，雖然電話都有不過 CASIO 可以揀埋片長同埋慢動作位置，只要扭扭鏡頭個金屬圈就得。

另外呢部機我喜歡嘅功能就係動作快門，反 Mon 、撳掣、埋位、揮手——影咗！亦即係話可以慢慢行埋位，唔需要再計時同奔跑喇，因為通常我都會跑唔切。