5個你不能不看史力加音樂劇的理由，特別是第2個！@Travel佳

唔講你唔知，我Travel佳其實係百老匯音樂劇迷，紐約嘅、倫敦嘅有名劇目我都睇過，算得上係半個識戲之人。嚟緊7月至8月，澳門又有新音樂劇上演，一個集搞笑、浪漫、溫情，又富冒險元素嘅戲目，男主角仲要好與別不同，好威猛，畀到女士好大安全感…… 係呀！我講緊 史力加嘅音樂劇登陸澳門呀！

1 . 史力加首次登場

《史力加音樂劇》（又稱《史瑞克音樂劇》）首次登陸澳門，假如你都好似我一樣好鍾意電影版嘅史力加，今次嘅音樂劇，絕對不能錯過！劇情同樣咁風趣抵死，仲可以親眼見到史力加同一班老友載歌載舞，最重要當然係佢哋第一次嚟到澳門，作為粉絲嘅你，必撐！

2. 一個價錢包船票戲票，過大海超抵！

凡購買《史力加音樂劇》門票（C區除外）加$108就可以以優惠價購買金光飛航來回船票，一個價錢包船票、戲票，計落真係有著數。澳門咁多嘢食，又米芝蓮餐廳，又地道小吃，真係講起都流口水！今次加少少錢就可以睇音樂劇連船票，咁抵！無理由唔去㗎~~

3. 最啱童心未泯嘅大人入場

到今時今日，我Travel佳都仲係一個大細路，仲玩緊模型、figure，對於夢工場嘅動畫更係愛不釋手，而史力加更係我心中完美嘅童話故事。故事講述很醜但卻很溫柔嘅史力加，聯同一班得意可愛嘅朋友，如薑餅人、驢友載歌載舞，一齊拯救生得好靚嘅費安娜公主。話明係童話故事，當然就大團圓結局啦，個故事咁開心，都好啱帶小朋友入場，真係大人細路都啱睇！

4. 幕後班底陣容鼎盛

《史力加音樂劇》由榮獲普立茲獎嘅David Lindsay-Abaire 負責編劇同填詞，曾獲頒奧利弗獎（Olivier Award）嘅Jeanine Tesori負責編曲，Chris Baily負責編舞，絕對係信心保證 ！可以睇住真人版史力加又唱又跳，大講精心編寫嘅爛gag，一定會笑到碌地！

5. 只演21場，今次唔睇就有排等！

聽講今次門票銷售情況十分理想，相信門票好快售罄。而礙於《史力加音樂劇》係世界巡迴演出，一早定好晒行程，所以相信好難有加場，亦唔知幾時先可以再去澳門演出，所以想睇嘅朋友，建議早啲買飛，唔好走寶！
《史力加音樂劇》
日期：2016年7月22日至8月7日
地點：威尼斯人劇場
訂票：www.cotaiticketing.com