$100複製 Baby 楓丹白露宮影婚照 【巴黎】

上個禮拜 Angelababy 同佢件「 海綿蛋糕 」黃曉明在上海大 排筵席，邀請超過二千賓客，仲安排埋一眾影視名人行紅地毯入場，結婚結到好似做騷咁，真係羨慕死一眾港女啦！無錢做咁大排場，又無人贊助，港女朋友大可以仿傚 Baby 飛去浪漫之都巴黎 影 pre-wedding，發吓公主夢都好啊！其中一個拍攝場地就是距離巴黎2小時車程的楓丹白露宮。這座狩獵行宮擁有超過九百年歷史，不少歷代帝王都曾經入住，更加是拿破崙和第二任老婆的結婚場所，奢華程度拍得住凡爾賽宮！如果選擇在花園及戶外拍攝婚照 ，連入場費都唔使！但要學 Baby 學到足，入埋宮內拍照，除了要畀入場費100蚊，仲要事先電郵申請。