【高鐵5周年優惠】高鐵聯同旅行社推出超過50款「超值團」 低至$249超過15個內地城市任揀！
秋風起涼浸浸，咁舒服嘅天氣當然要去旅行享受吓啦！最近高鐵就為咗慶祝開通5周年，特別推出超過50款限時「超值團」，唔單止有超過15個內地城市任你揀，最正係優惠價低至$249玩2日，勁抵呀！優惠名額有限，售完即止，仲唔即刻搭高鐵去內地玩返轉？
低至$249！逾50款2-7天「超值團」任你揀！
高鐵而家可以直達73個內地站點，選擇多到唔識揀？不如就趁「高鐵5周年」限時優惠，用超筍價錢報團去內地玩下啦！
高鐵聯同8間旅行社，大搞超過50款限時「超值團」，行程由2日至7日都有，仲有超過15個城巿任你揀，話明「超值團」，價錢更低至$249𠻹！由近近地嘅深圳、惠州、佛山、肇慶，到遠少少嘅韶關、梅州、厦門、桂林，甚至再遠啲嘅貴州、長沙、張家界等都有！超值團出發時間夠晒長，由10月18日開始，一直至12月19日前出發都有，無論你想睇紅葉、影靚景打卡、搵好嘢食都總有一款啱你口味。
心郁郁想即刻出發？「高鐵5周年超值團」而家已經開始報名喇！留意最後報名日期係12月13日。正所謂早去早享受，優惠名額有限，一於即刻揀個心水團，約埋成班Friend齊齊嚟一趟「高鐵遊」啦！
高鐵5周年超值團詳情：https://www.highspeed.mtr.com.hk/tc/latest-news/Super_value.html
(Presented by MTR)
圖片來源：MTR
