韓妝新品晒冷！首爾最新美妝品店掃貨攻略

Feb 25 2017

港女去首爾，買妝物才是正經事，不過就咪再去明洞買大路韓妝品牌，事關韓妝新品日日出，韓妹都話新興小眾韓牌又平價又好用！記者發現近半年有大量新品牌冒起，全部備受韓妹追捧，各有古怪主題，有實驗室、博物館、藥房等等，唔好剩係逛Olive Young！

撰文：Alex | 攝影：Tommy、Wyman

01 | 怪博士登場瘋狂實驗室

近期睇韓妹ig，都見佢哋喺1間鐵皮屋外自拍打卡，原來是位於江南新沙洞的全新美妝概念店 Village 11 Factory！這間以「怪博士」粉紅實驗室為主題的美妝店，產品講究不同的油/水比例，好似在實驗室混合不同物料的感覺，因而誕生這個概念店！店員推介Body Oil Wash，沖涼液中特別提高了油分比例，超容易起泡，沖涼後身體唔會乾，就連潤膚膏都唔使搽！

Body Oil Wash W12,000 / HK$80 用前一定要搖勻，因為提高了油份的比例，混合後非常容易起泡，更加強保濕功效。 — **Body Oil Wash** W12,000 / HK$80
用前一定要搖勻，因為提高了油分的比例，混合後非常容易起泡，更加強保濕功效。

Body Oil Cream W14,000 / HK$93 質地偏油，塗上皮膚後有少少𣲷，幸好非常快被皮膚吸收，適合乾性肌膚使用。 — **Body Oil Cream** W14,000 / HK$93
質地偏油，塗上皮膚後有少少𣲷，幸好非常快被皮膚吸收，適合乾性肌膚使用。

1. Moisture Cleansing Foam W8,000 / HK$53 泡泡綿密，可潔淨毛孔內的深層污垢。 2. Moisture Emulsion W12,000 / HK$80 乳液偏水狀，容易被皮膚吸收，有深層保濕的效果。 3. Moisture Serum W14,000 / HK$93 保濕精華亦是王牌之一，獨家的水油配方加強細胞的鎖水能力。 4. Moisture Eye Cream W16,000 / HK$107 雖然不能對抗黑眼圈，但能有效撫平眼紋，1星期已見效！ 5. Moisture Cream W14,000 / HK$93 比Body Oil Cream的質感更爽，塗上面時就不怕油光滿面！ — 1. **Moisture Cleansing Foam** W8,000 / HK$53 泡泡綿密，可潔淨毛孔內的深層污垢。
2. **Moisture Emulsion** W12,000 / HK$80 乳液偏水狀，容易被皮膚吸收，有深層保濕的效果。
3. **Moisture Serum** W14,000 / HK$93 保濕精華亦是王牌之一，獨家的水油配方加強細胞的鎖水能力。
4. **Moisture Eye Cream** W16,000 / HK$107 雖然不能對抗黑眼圈，但能有效撫平眼紋，1星期已見效！
5. **Moisture Cream** W14,000 / HK$93 比Body Oil Cream的質感更爽，塗上面時就不怕油光滿面！

Village 11 Factory
地址：首爾市江南區新沙洞546-11（서울시 강남구 신사동 546-11）
電話：+82-(0)2-541-7563
營業時間：11:00am-10:00pm
交通：乘地鐵 3號線新沙站 8號出口步行約15分鐘
網址：village11.com

02 | 免費分析肌膚雪花秀旗艦博物館

首爾度度都有得買雪花秀，點解要特登去最新的旗艦店？因為6層高的旗艦店分為美妝、Spa 及Cultural Lounge 3個區域，1/F 及3/F 就以「博物館」的形式展示了每年出過的限定款，勁多嘢睇，仲有限定香氛系列買！最重要是店員會免費向大家解釋不同韓方美妝品對改善肌膚的功效，分析得非常詳盡！

1. 香氛乾燥花 W120,000 / HK$800 放在玻璃盆裡木片與乾燥花瓣清淡典雅，持續散發淡淡花香。 2. 護色潤唇膏 W40,000 / HK$267 這款潤唇膏滋潤度十足，另外同款滋養膏更具有萬用膏的功能，能塗在身上任何乾燥部位。 3. First Care Activating Serum EX W280,000 / HK$1,867 金屬色限定包裝，王牌潤燥精華混合成金色的人參霜，用時感覺真係超奢華。 4. 香氛蠟燭 W100,000 / HK$667 分為「潤燥香氛」（咖色）及「梅花之香」（白色），味道跟品牌經典產品的氣味一樣，更帶淡淡木香，聞起來好治癒。 — 1. **香氛乾燥花** W120,000 / HK$800
放在玻璃盆裏的木片與乾燥花瓣清淡典雅，持續散發淡淡花香。
2. 護色潤唇膏 W40,000 / HK$267
這款潤唇膏滋潤度十足，另外同款滋養膏更具有萬用膏的功能，能塗在身上任何乾燥部位。
3. **First Care Activating Serum** EX W280,000 / HK$1,867
金屬色限定包裝，王牌潤燥精華混合成金色的人參霜，用時感覺真係超奢華。
4. **香氛蠟燭** W100,000 / HK$667
分為「潤燥香氛」（咖色）及「梅花之香」（白色），味道跟品牌經典產品的氣味一樣，更帶淡淡木香，聞起來好治癒。

怕你睇唔清材料，連放大鏡都有，十足十一個博物館。 — 怕你睇唔清材料，連放大鏡都有，十足十1個博物館。

2016年的限定粉盒款，問過已經冇得買，惟有期待2017新款吧。

豪歎頂級韓藥Spa

去到雪花秀旗艦店，當然要豪1次，歎歎韓國頂級美妝品牌的spa 服務啦！網上不少comment都話好舒服，大讚spa 用的產品超高級，以人參濃縮提煉的精華，具抗衰老功效；而按摩工具亦用了天然的白磁、琥珀、翡翠等等，有鎮靜肌膚的效果。

對住落地玻璃超靚景按摩，不過Yoshi話無睇過景，因為好快就舒服到瞓著！ — 對住落地玻璃超靚景按摩，不過Yoshi話冇睇過景，因為好快就舒服到瞓着咗！

暫時有約30個SPA Programme可選擇，最平的「VITALITY CARE 」面部按摩W110,000/HK$733已可享受明星級的服務！ — 暫時有約30個spa programme可選擇，最平的「VITALITY CARE 」面部按摩W110,000/ HK$733已可享受明星級的服務！

雪花秀旗艦店
地址：首爾市江南區新沙洞島山大路45街18（ 서울시 강남구 신사동 도산대로45 길 18）
電話：+82-(0)2-541-9720
營業時間：10:00am-9:00pm
交通：乘地鐵 3號線狎鷗亭3號出口步行約10分鐘
網址：www.sulwhasoo.com

03 | 國民男神愛用韓妹追捧保濕專家

新一代男神朴寶劍，憑《雲畫的月光》人氣急升，由他代言的美妝品牌 V PROVE插旗明洞開舖，個個韓妹都為攞印有朴寶劍嘜頭的贈品而來！店舖經理話朴寶劍都係品牌超級fans，曾經攞走超過20支Mist Expert 保濕噴霧，記者親身試過，噴上面時好清爽，用後4、5小時都keep 住冇出油，保濕效果好好！而最新出的Rhodiola Power Cream 及Panthenol Banding Cream，面對室內外大溫差，可令肌膚自動調節油分及水分分泌，長時間保濕！

Mist Expert保濕噴霧 W18,000 / HK$120 朴寶劍真心推介，PR爆料話佢拎咗至少20支自己用！ — **Mist Expert保濕噴霧** W18,000 / HK$120
朴寶劍真心推介，PR爆料話佢攞咗至少20支自己用！

品牌的乳霜最出名，一共有10款不同功效，例如美白、保濕、抗氧代等，買前記得問問店員！ — 品牌的乳霜最出名，一共有10款不同功效，例如美白、保濕、抗氧化等等，買前記得問問店員！

Rhodiola Power Cream及Panthenol Banding Cream W25,000 / HK$167 面對冬天室內外大溫差，能令肌膚自動調節油份及水份分泌，長時間為皮膚補充水份。 — **Rhodiola Power Cream（左）及Panthenol Banding Cream（右）各**W25,000 / HK$167
面對冬天室內外大溫差，能令肌膚自動調節油分及水分分泌，長時間為皮膚補充水分。

舖前有測試肌膚性質的機器，回答簡單問題便可以更了解自己，免費任玩！有結果後就可以聽聽店員推介妝物，咁就唔怕買錯啦！

V PROVE
地址：首爾市中區明洞5（ 서울 중구 명동길 5）
電話：+82-(0)2-318-1636
營業時間：9:00am-10:30pm
交通：乘地鐵 2號線乙支路入口站 6號出口步行約5分鐘
網址：www.vprove.co.kr

04 | 年年23 歲回春修護大師

23 years old 是近期在韓妹間討論度超高的品牌，主打具修護性的護膚品，人人用過都讚短時間有顯著改善效果，被追捧成新一代修護大師！專門店店員推介用夜間保濕面霜，除了保濕功效超好，更可改善紅腫、暗瘡、粉刺、去角質及l袪痕的效果，1支滿足多個願望，被韓妹稱為「萬用面霜」！要留意其護膚品有高效的藥理性成分，買前記得要問清楚店員，用時亦要針對性使用！