超巨型菠蘿冰山獨食唔肥！10吋高首爾刨冰巨山 |首爾|

Jun 30 2016

救命！呢幾日天氣又熱又焗，真係好想暴風吸入所有冰製甜品！首爾一向是港女夏日最愛去暴食甜品的勝地，不過狂食雪糕好易肥，今次發現在梨泰院區的The Reverse Brothers 的超巨型菠蘿冰山，主打低卡新鮮水果，店主Minho保證食多兩啖都唔會怕肥，呃like 自拍消暑一流！

記者睇實製作過程，發現有別於普通齋在冰山上淋上果汁咁馬虎，而是在刨冰內混合了有機糖、蜜糖及鮮菠蘿汁，再堆砌成超高冰山，足足有10吋高，之後加上產自菲律賓的菠蘿粒，視覺效果勁澎湃！親身試食後完全停唔到口，入口即溶滿滿菠蘿香，果肉清甜爽口又多汁，刨冰綿軟細膩，超級大滿足！店內其他受歡迎的還有蜜瓜冰山和西瓜冰山，想食記得要留意！