首屆首爾「 漢江兩橋美食節」 米芝蓮廚坐鎮 |首爾|

每次追完韓劇都總會有少少失落，搵個藉口趁機食餐韓國菜補數。如果想一次過食勻韓國街頭美食，機會來了，由朝鮮電視台主辦的Seoul Food Fest將於5月2日舉行，活動為期一星期，活動焦點落在5月5日舉行的 漢江兩橋美食節 「Picnic on the Bridge」，地點會在連接市中心龍山區及江南區的兩條大橋，屆時兩橋橋底會有6個主題區域，星級廚師區請來米芝蓮大廚坐鎮，炮製10 款頂級小食，入場費約680蚊港紙，價錢合理，不過只設3個時段，每時段只限200人，手快有手慢無！其餘如韓國名廚區、甜品區、街頭小食區、美食車區，及娛樂性十足的五感官滿足區，合共50個攤位，鍾意韓國美食的朋友，肯定飽到上心口！