宋宋夫婦完婚｜首爾星級婚禮5星酒店 全智賢、劉在石都在這擺酒
Text: Cynthia｜Photo:眾星IG、新傳媒資料室、相關機構
雙宋唯美婚禮現場
宋宋夫婦的婚禮正如韓媒預測，在中區東湖路的首爾 新羅酒店舉行，現場的花海布置超級唯美，而當晚官方公布的相片，真係襯到絕！
歷史建築迎賓館 包場50萬起錶
而二人行禮的場地，就是具有歷史意義的迎賓館。以前是用來接待國家貴賓的「迎賓館」，後來在其基礎上建起新羅酒店後，依舊維持古式三合院建築極具風格，難怪雙宋現場婚照可以拍得份外唯美！問過酒店公關，唔肯公開今次婚禮使費，但有指平日包場搞活動閒閒地50萬港幣，今次宋宋大婚肯定不菲。
韓星御用婚禮場地
新羅酒店可以說是韓星御用酒店，翻查韓流新聞，全智賢、劉在石、權相佑、張東健、姜鎬童等著名藝人，都選擇在此舉行婚禮，有像宋生宋太在迎賓館舉行的有，在酒店裡頭的ballroom亦有，總之都係首爾最尊貴之選。
韓國三星旗下 媲美半島地位
到底點解咁多韓國藝人都會選擇喺新羅酒店結婚？事實上，新羅酒店喺韓國勁有地位，係韓國三星集團旗下的酒店，在首爾、濟州島、中國蘇州都有分館，三星集團前會長李秉喆於1979年接管首爾歷史建築國賓館─「迎賓館」後，就在其基礎上興建新羅酒店，極具歷史意義。
設施超完備 蔡瀾都住
旅遊家蔡瀾曾經大讚新羅酒店，仲話好多時去首爾都指定入住。咁巴閉，酒店的硬件也超晒班，置身於23英畝的私人園林中，面積勁大，裡面的設施自然也是超多，包括健身俱樂部、室內外泳池、兒童泳池、室內外緩跑徑、高爾夫球場、桑拿室等，設備極完善！
米芝蓮三星 傳統韓宴
新羅酒店的餐飲同樣大有來頭，當中最多人討論的，一定係有米芝蓮3星的La Yeon(羅宴)！作為傳統韓食的龍頭，羅宴的韓食做法堅持要正宗，想感受吓就不妨去預約啦！
羅宴只提供套餐，午餐大概要W98,000~W170,000(HK$686~$1,190)，晚餐則要W150,000~W230,000(HK$1,050~HK$1,610)，米芝蓮三星，價錢有番咁上下！
除咗出名的羅宴，仲有好多間餐廳供選擇，而且水準統統不錯！
市內面積最大住宿
新羅酒店堪稱客房是市內最大面積，有464間客房，當中包括38間套房。好多人都會以為咁高級一定會天價咁貴，官網價錢顯示2人房大約是W207,000(HK$1,449)，兩人除番開大約7百多，又未去到勁貴！
淡季大約是
