「 國民老公 」攻佔全首爾！ 宋仲基任你示愛！
廣告
話說上星期「 國民老公 」宋仲基來港見粉絲，當然電暈全場「宋太」，不過有朋友仔話逼唔到入場，就算入到去都只係見到得豆膶咁大的劉大尉，真係好失望！唔緊要，有時學我去轉首爾，包保你日日見到宋Oppa……的人形紙牌，事關首爾一街都係，Model Yoshi 見到都即刻心心眼，放下淑女形象變港女，9秒9衝過去示愛合照！
國民老公 周街見
而且好多品牌如hite 啤酒、TOPTEN 都係宋仲基做代言人，行兩條街都見到佢一次，洗腦式效果真係令我懷疑自己都有少少鍾意咗佢……（利申：我好專一，最鍾意金智媛「尹中尉」！）
最誇張係去到東大門Doota 免稅店的「太陽展」，簡直係各位宋太太的天堂，尤其係見到模擬《太陽的後裔》劇中各大場景的一比一大尉紙板，Yoshi 無視眾人目光狂影！仲要行埋場中Pop-up Store，有齊劇照明信片、原聲OST 等， 最後玩足兩個鐘先捨得走， 今次真係要講句：「追星這回事，叔叔真的不行鳥……」
