首爾醬油蟹5大推薦｜米芝蓮一星/ 金秀賢愛店/ 弘大3分鐘路程
廣告
首爾醬油蟹推介｜韓國料理種類豐富各有特色，其中醬油蟹更擄掠不少香港人嘅心！想新鮮味道好就梗係要去當地品嚐啦～記者今次為大家精選咗5間首爾必試嘅醬油蟹餐廳，包括米芝蓮一星、地理位置超方便嘅選擇，即睇詳情！
首爾醬油蟹5大推薦｜米芝蓮一星/ 金秀賢愛店/ 弘大3分鐘路程
首爾醬油蟹推薦｜1. 大瓦房（큰기와집）
講起醬油蟹就一定唔可以唔提擁有40多年歷史並於2017年榮獲米芝蓮一星嘅大瓦房！招牌醬油蟹只選用西山肉厚膏多的花蟹，配上發酵七年、加入各式藥材嘅傳統秘製醬油腌製以成。肥美嘅蟹膏帶有淡淡藥材香氣，別有一番獨特風味。而且餐廳菜單中附英日文對照，唔識韓文嘅遊客都可以好方便咁落單。
餐廳詳情
名稱：大瓦房 (큰기와집)
地址：首爾特別市鐘路區北村路20-7
前往方法：乘坐首爾地鐵5號線到孔德站4號出口步行10分鐘
首爾醬油蟹推薦｜2. 真味食堂（진미식당）
連續八年榮獲米芝蓮推薦嘅真味食堂一直都係港人食醬油蟹嘅人氣之選，採用選用來自西海最高等級嘅花蟹再以零下35度急速冷凍保存，品質保證新鮮衛生！餐廳只有提供醬油蟹一款食品配上種類豐富嘅小菜，包括：蒸蛋、大醬湯、生醃魷魚、甘苔紫菜…每一款都非常開胃，最啱送飯！
餐廳詳情
名稱：真味食堂（진미식당）
地址：首爾特別市麻浦區孔德洞105-127
前往方法：乘坐首爾地鐵3號線到安國站2號出口步行5分鐘
首爾醬油蟹推薦｜3.花蟹世界（꽃게월드）
推介呢間餐廳俾想把握時間趕行程嘅朋友仔們。花蟹世界位於熱鬧的弘大商區，地理位置優越，食完就即刻衝出去掃貨買野！爆漿蟹膏撈埋蟹子拌麻油飯，微咸回甘每一啖都令人回味無窮，而且一人份只需39,000₩，CP値頗高～
餐廳詳情
名稱：花蟹世界（꽃게월드）
地址：首爾特別市麻浦區乙馬堂路136-3 2樓
前往方法：乘坐首爾地鐵2號線到弘益大學站8號出口步行3分鐘
首爾醬油蟹推薦｜4.花蟹堂（화해당 여의도점）
花蟹堂除咗有2024年米芝蓮必比登推薦外，亦多次出現喺唔少韓國節目，知名度好高，非常受歡迎！鹹淡適中嘅醬油蟹配上有著粒粒飯焦嘅石鍋飯，特別嘅醬油腌製技術完美保留咗蟹肉嘅鮮甜同細膩，無論係口感定係味道都相當出色！
餐廳詳情
名稱：花蟹堂（화해당 여의도점）
地址：首爾特別市永登浦區國會大路62街 15
前往方法：乘坐首爾地鐵9號線到國會議事堂站5號出口步行5分鐘
首爾醬油蟹推薦｜5. 烏達里家（화해당 여의도점）
位於首爾明洞嘅烏達里家係一間好多韓國明星都幫襯過嘅知名餐廳，包括：金秀賢、東方神起、SUPER JUNIOR。精選產於延坪島海域嘅當季新鮮又肥美嘅花蟹，再放入加咗高麗參、黃耆、川芎、當歸等十幾種韓方藥材嘅特調醬油中醃製一週，口感風味豐富之餘更營養滿分。
餐廳詳情
名稱：烏達里家（화해당 여의도점）
地址：首爾特別市鐘路區北村路20-7
前往方法：乘坐首爾地鐵5號線到孔德站4號出口步行10分鐘
有到日本旅遊前要了解的實用資料嗎？
日本是香港人最愛的兩大旅遊地點，去旅行前必看5大旅遊保險保障新冠肺炎的比較，另外為你推介日本10大好用電話卡，亦可參考日本8大Wifi蛋推介。當然亦要事先了解日本地區天氣、電壓、電源插頭、入境簽證要求及大使館電話。
關鍵詞
旅遊
撰文：Yuki Lee圖片來源：W&W@小紅書、lavenven@小紅書、Alina@小紅書、不想成为光了@小紅書、开飞机的小辰辰最最帅@小紅書、灰莓莓@小紅書、皮皮爱吃巧克力@小紅書、阿柑@小紅書
