首爾炸彈 四重芝士 噴火Pizza

看到韓國不少food blogger都post了一個會著火的炸彈，原來這實質是一個以墨汁所製的 四重芝士 薄餅；上枱時，會由店員點火，效果超吸睛，呃 like 程度極高！它絕對唔係得個樣，整個「炸彈」都食得落肚，以火烤過的 圓頂，更有鬆脆的口感，比批底口感更好呢！這個薄餅最邪惡位是加入Mozzarella、Gorgonzola、Grana Padano 及Homemade Ricotta四種芝士作為餡料，韓國人愛吃芝士已不是新鮮事，所以不少顧客除了為它的噴火效果而來，也為一試其超邪惡的四重芝士而來！不過芝士羶味濃到有點攻鼻的感覺，自問是芝士迷的記者都要扯白旗投降！至於同樣受不了太濃芝士味的朋友，亦另有辣肉醬口味選擇，更易入口，想睇噴火效果的話，點這款口味才有喔！