飛天翼龍俯衝過山車! USJ周年慶6大興奮位 |大阪|

Q: 有到日本旅遊前要了解的實用資料嗎？

日本是香港人最愛的兩大旅遊地點，去旅行前必看 5大旅遊保險保障新冠肺炎的比較 ，另外為你推介 日本10大好用電話卡 ，亦可參考 日本8大Wifi蛋推介 。當然亦要事先了解 日本地區天氣、電壓、電源插頭、入境簽證要求及大使館電話 。

Q: 日本已開放自由行，有最新的旅遊景點推介嗎？

想要行程推薦的可以參考以下資訊： 大阪自由行攻略 、 富士山28大景點 、 福岡自由行懶人包 及 東京自駕遊路線 。

Mar 24 2016

自從2年前哈利波特主題園區開幕之後，大阪環球影城（ USJ ）每年都有多個新遊戲登場，難怪連續兩年破自己的紀錄，去年入場人數更超過175萬，今年踏入15周年，就更加要好好慶祝一番吧！除了有新巡遊及人氣爆燈的Minions四處出沒之外，最令機動遊戲迷引頸以待的，絕對是以「全球最長、最大落差」為賣點的俯衝式飛行過山車「飛天翼龍」，就讓我們帶大家齊齊直擊《Re-boooooooorn! 》首日的興奮場面吧！

興奮位01！嗌破喉嚨．超刺激翼龍過山車

15周年重點新遊戲，是這座號稱全球最長及最大落差的俯衝式飛行過山車「飛天翼龍」，開幕前在網上率先流出多張翼龍襲擊日本各地的P 圖，話晒對上一次新的實體過山車要數9年前的荷里活美夢，難免令fans 引頸以待，開幕日深夜更有大批fans 在樂園門口通宵排隊，等一開門衝入場，認真誇張！記者早在2月中預購Fast Pass，結果都只獲得上周五晚上的time slot，而且開園20分鐘已經截龍，最長足足等12小時！！！所以要玩的話，一係買Fast pass，一係就開門直衝！
「飛天翼龍」好玩之處，是全程「趴住玩」，感覺就好像翼龍咬著你飛上天，軌道又接近地面，好似隨時會撞落地，刺激度倍增！試玩後原來無想像中咁驚同咁快，雖然開車一刻成個人趴低尖叫聲四起，但全程速度唔算好快，最驚係衝入隧道前反轉向下衝一刻，全程3分鐘實在值回票價，如果你排得到的話！

FACT BOX
飛天翼龍
全長：1,124米
落差：37.8米
Open：2016年3月18日

最激位！向下反轉衝入地洞呢一刻離心力最勁！ — 最激位！
向下反轉衝入地洞呢一刻離心力最勁！

來自大阪的Natsumi（左）及Ami（右）是USJ的Super fans，這次是為了玩「飛天翼龍」而入場，雖然足足排了4個鐘，但仍覺值得，因為飛行式的過山車實在很有趣！

來自奈良的Yune、Yumika、Kaori及Haruka，覺得好刺激，特別是開頭慢慢上到最頂，但一口氣衝下去，非常興𡚒！

飛天翼龍紀念照 ¥2,500/HK$175 — 飛天翼龍紀念照
¥2,500/HK$175

興奮位02！橫行無忌．恐龍出沒注意

排「飛天翼龍」排了幾粒鐘，玩完尖叫完之後，大家都會想第一時間離開侏羅紀園區這個「鬼地方」！不過，其實這裡還有另一個驚喜等著你，那就是有大量恐龍跳出來周圍「兇」人！平時在USJ 見得最多不是可愛的Minions，便是Kitty、Snoopy、Elmo 等卡通人物，突然出現充滿真實感的恐龍，絕對會嚇一跳！雖然明知那是假的，而且又未見過真的，但我們都是看《侏羅紀》電影大的，園區的設計幾乎跟電影一模一樣，三角龍及速龍亦「熟口熟面」，極具親切感，逼真得叫人興奮不已！不過，可能還原度太高，Model 嚇得躲在一旁，不敢走近！

恐龍蛋漢堡扒餐 ¥1,590/HK$111 — 恐龍蛋漢堡扒餐
¥1,590/HK$111

响暴龍哥面前食翼龍（雞）翼？暴龍哥點會放過你！ — 响暴龍哥面前食翼龍（雞）翼？
暴龍哥點會放過你！

興奮位03！狂歡巡遊．彩紙泡泡噴不停

15周年的重點慶祝活動，其實是史上最大規模的巡遊「Re-Boooooooorn 」！巡遊的路線幾乎走勻荷里活及紐約園區，共有9架大大小小的花車，表演者超過一百名，帶頭的是15周年主題花車，緊隨是Snoopy、芝麻街、Kitty及Minions，最後壓軸是自由神像花車，跟沿路的園區氣氛非常合襯！齊齊載歌載舞當然是少不了，但將現場氣氛推至最高峰的，是花車會噴出大量的彩紙碎及大量的泡泡，充滿節日感，無論大人或小朋友都玩得很開心！香港遊客最關心的，可能是看巡遊的最佳位置在哪裡？這次路線長、花車又多，其實在哪裡欣賞都會很精彩，但我會揀商店街的十字路口，因為有天幕，不用擔心日曬雨淋，拍照時又不怕背光，可以看得舒適一點！

我覺得最有趣的花車是Kitty這架，充滿印度Feel的，Kitty更化身印度西施，很有新鮮感。

可能Minions在園內已經有太多屬於他們的表演，所以花車的設計較其他卡通人物低調！

來自廣島Chinatsu（左）及Yui（右）覺得這次15周年的巡遊是最精彩的，特別是噴泡泡的部分，非常興奮！

來自兵庫縣的Erika（左）及Hitomi（右）最喜歡參加Parade，因為可以齊齊跳，覺得噴泡泡那架花車最有趣！

興奮位04！爆Show王．Minions全日無休大量出沒

要知道USJ 最人氣的偶像是誰？睇下場內邊個最多人Cosplay 就知！唔駛講，Minions 兵團肯肯定無得輸，園內黃色衫工人褲打扮嘅妹子超多，很搶眼！
人紅自然多Job，看看日程，由早到晏都有Minions 的表演，開門時在入口迎賓，下午除了15周年大巡遊之外，另外仲有兩個自己的Show，周末最多共5場（但平日可能只得各一）！無論是變身成地盤工人或消防員的新show，都是百百厭搞搞震，即使不懂「講人話」只係走來走去，但已𠱁得fans 好開心！不過，重點是完show 之後都設有頗長的影相時間，讓fans 可以慢慢跟偶像合照，要捕獲Minions 全身合照建議在地盤工人show 捕捉他，因為消防員show Minions 都只會留在消防車上唔落得地！

Minions Rescue救火Show 全新救火騷在大街舉行，Minions兵團會在車上向觀眾噴煙霧，但完騷唔落得車，只能跟車上黃色人selfie。 — Minions Rescue救火Show
全新救火騷在大街舉行，Minions兵團會在車上向觀眾噴煙霧，但完騷唔落得車，只
能跟車上黃色人selfie。

這個舞台Show 雖然規模較細，但可近距離睇，而且完Show有大量機會捕獲佢哋！ — 這個舞台Show
雖然規模較細，但可近距離睇，而且完Show有大量機會捕獲佢哋！

來自香川縣的Mitsuki（左）及Riko（右）入場是為了見Minions多幾面，訪問時消防員Minions剛好經過，她們即跳起身跟偶像揮手！

位於回到未來出面的Minions Plaza有幾款迷你攤位遊戲，不過禮物唔靚，專攻紀念品好過！

興奮位05！破產！限定商品買唔停手

15周年限定版商品，都以「USJ 四大天王」（呢個朵我自己改的，即是Snoopy、Hello Kitty、Minions 和Elmo）為主，「單人」的商品，最多係Snoopy 同Minions，不過大家最想要的，應該是Minions 的爆谷桶吧！繼原裝版、吸血殭屍版及聖誕老人版之後，今次登場的第4款是阿Bob！佢最特別的地方是會發聲，撳佢屁股會「Bello~~~Banana~~~ 」咁叫！另外右手更拿著心愛的熊啤啤，教人如何不想儲齊一套？！

「四大天王」iPhone 6/6s Case ￥3,500/ HK$245 — 「四大天王」iPhone 6/6s Case
￥3,500/ HK$245

Snoopy Pass Case ￥1,800/ HK$126 — Snoopy Pass Case
￥1,800/ HK$126

Snoopy Popcorn Pouch ￥1,600/ HK$112 — Snoopy Popcorn Pouch
￥1,600/ HK$112

Snoopy Tote Bag ￥2,500/ HK$175 — Snoopy Tote Bag
￥2,500/ HK$175

「四大天王」Tote Bag ￥2,900/ HK$203 — 「四大天王」Tote Bag
￥2,900/ HK$203

「四大天王」毛巾￥1,800/ HK$126 — 「四大天王」毛巾
￥1,800/ HK$126

多款角色帽子￥3,600/ HK$252 — 多款角色帽子
￥3,600/ HK$252

Minions毛毛手套 ¥ 2,900/HK$203 — Minions毛毛手套
¥ 2,900/HK$203

「四大天王」罐裝曲奇及朱古力（４罐）￥2,500/ HK$175 — 「四大天王」罐裝曲奇及朱古力（４罐）
￥2,500/ HK$175

Minions nanoblock ￥1,600/ HK$112 — Minions nanoblock
￥1,600/ HK$112

興奮位06！又食又玩．奇趣Food Kart相機食先

USJ 深明年輕一輩都喜歡相機食先「呃Like 」，所以園內開了不少有主題的食物攤位，醫肚都花盡心思吸金，例如造型可愛的KPP 及Minions 系列飲品小食，又或者是大大件的「恐龍級食物」！當中最「好玩」的是墨西哥烤火雞腿，購票之後需轉動幸運輪，約十分一機會可升級為特大火雞腿；場內亦有一座高3米的汽水機，無論入錢位及按鈕都「高不可攀」，要跳高或騎膊馬才能撳制，眼見少女冒著走光危險都要挑戰！

Minions香蕉味 Churritos（連香蕉套）￥1,350/ HK$95 — Minions香蕉味 Churritos（連香蕉套）
￥1,350/ HK$95

KPP 怪獸 Churritos ￥650/ HK$46 — KPP 怪獸 Churritos
￥650/ HK$46

KPP朱古力熱飲￥550/ HK$39 — KPP朱古力熱飲
￥550/ HK$39

親眼目擊這位身高178公分的 Yuko成功一人撳到可樂！ — 親眼目擊這位身高178公分的Yuko成功一人撳到可樂！

焗畀！唔買快證排300分鐘！

配合全新設施，USJ 特別推3個全新「畀錢買時間」的Express Pass，眼見翼龍過山車首日開門20分鐘就截人排隊，我的評價是：焗住買！而且好很貴！何解呢？因為Pass 都是海鮮價，5月前的紅日及周末都較貴，比平日可貴近一倍，比入場費還貴！另外，Express Pass 將新遊戲分類，當中只能揀一個，不能任玩最新設施，雖然一日無可能玩晒，唔買就帶定凳仔排隊啦！