電視終於可轉台！Viu TV明星素人去旅行
《跟住矛盾去旅行》旅行就是搵交拗！
預告片一出，林日曦VS蔣麗芸呢對矛盾組合搶盡風頭，不過暫定首播嘅竟然係長毛同曾鈺成，仲刻意安排去革命國家波蘭過聖誕，參觀「抗命博物館」；其他組合包括何韻詩同高主教去「同性婚姻合法化」無耐的愛爾蘭都柏林，而且二人出發日子喺正當地同志大遊行前後；同埋教育理念大不同的Amanda Tann 同海星老師去到越南河內義教，可謂相當有摩擦力，開台時唔睇實無話題！
深層次矛盾@波蘭：立法會主席曾鈺成 VS 長毛議員
零溝通@首爾：廢青腦細林日曦VS 尊貴議員蔣麗芸
林日曦：「幫我同佢講早晨！」
扮偶遇@都柏林：平權女神何韻詩VS 大愛主教高皓正
有Gap組合@峇里：超熟女邵音音 VS 輕熟女戴夢夢
Art like/呃 like 女子＠佛羅倫斯：藝文中女葉蘊儀 vs 「rest in pieces」連詩雅
原本 Viu TV 曾計劃搵周庭同Dream bear 呢對 「夢幻 」 組合出發 ， 但上周夢熊被判入 獄未能成行 ， 唔知觀眾想點 pair up呢？
《跟住矛盾去旅行》
節目播放日期：4月4日（逢星期一及二）10pm-10:30pm
暫定播放次序： 波蘭、首爾、意大利、越南、愛爾蘭、 印尼
以物易物！明星非大晒遊！
明星非大晒遊！受邀的明星二人一組，每組都要用以物易物的方式換取三餐一宿，不用分文地撐過旅程。不過Eric Kwok 同劉心悠二人在超過6日古巴之旅中，又同當地大學生打牌、喺小鎮Trinidad colonial 沙灘同美女飲酒、打壘球。其他明星有啲又重遇故人、同當地美女影相，食地道傳統菜咁，其實都咪話唔開心！
《BARTER GAME 價值連城》
陣容： 劉心悠＋Eric Kwok；任賢齊＋梁漢文；林二汶＋駱振偉
地點：古巴、茶馬古道、婆羅洲
節目播出日期：待定
三更窮五更富歐洲小國遊
為咗打破港人對快樂、消費同歐遊嘅觀念，兩位主持專揀歐洲小國，並抽簽決定窮遊定富遊。富貴主持一日有300歐使費；窮主持每日就只有10歐，要無所不用其極地賣藝、打工換宿或沙發衝浪度日，過程中同當地人交換快樂。唔知喺全球快樂指數第4（倒數）的香港，睇完個人會否開心啲呢？！
《歐遊全細界》
陣容：陳子豐、蔡雪瑩
地點： 梵蒂岡、安道爾、馬爾他、列支敦士登、聖馬利諾等
節目播出日期：待定
偽葡萄牙行呃like 旅遊
兩個運動型主持一齊出訪葡萄牙…前殖民地澳門，去勻葡式建築、食葡國菜同葡國人影相，用最廉價的方法影旅行呃like 相。不過香港人經常出入澳門，冇返咁上下影相就角度技巧，都難啲上檔喎！
《呃like旅行團》
陣容：余曉彤（Hidy）、陳炳銓（Danny）
地點：澳門
節目播出日期：待定
沙發旅行本地離島遊
主持喺本港「沙發旅行」，由地膽帶住體驗地道美食同日常生活。雖然地點近近地，但會大show 電腦特技同後製，希望帶畀觀眾視覺享受，就咁講唔知有幾巴閉，都係拭目以待啦！
《借宿一宵》
陣容： 陳俞希（Hailey）
地點：長洲、蒲台島
節目播出日期： 4月11日（逢星期一） 11:45pm-12:15am
延伸閱讀：
