鄧麗欣、方力申10年情最終章! 7句歌詞應驗愛情路
Stephy同方力申因拍電影擦出愛火花，葉念琛都算係佢哋媒人啦，10年嚟拍咗愛情四部曲－ 《獨家試愛》、《十分愛》、《我的最愛》及《紀念日》，仲有好多首合唱歌，等我哋同大家回顧Stephy同方力申10年嚟嘅合作作品，睇下佢哋嘅愛情故事，因為估計以後都未必睇到佢哋合作。
1.完了吧如無意外重今開始該好好戀愛－好好戀愛
《好好戀愛》都算係佢哋第一首合作歌曲，佢哋當時唔止表現得好合拍，好多鏡頭兩位都好似就快錫錫咁，鬼咁親密。呢一刻，相信啲Fans就應該唔想佢哋分手多啲，不過都希望完咁咗呢感情後，可以「完了吧～如無意外！從今開始該好好戀愛」，下段感情都可以開花結果，好好戀愛。
2. 你當我是知己 我看得到－ 好心好報
2013年Stephy同小方以情侶檔為雷頌德擔任演唱會嘉賓，當時仲公開喺台上拖手仔，兼合唱《好心好報》，最後仲被雷頌德踢爆已經相戀7年。當時高調喺台上眉目傳情，但依家就由情侶變知己。
3.早知不應試愛未放開便節哀 －十分．愛
《獨家試愛》係Stephy同小方擦出愛火花嘅作品，佢哋就係拍完套戲後，開始地下情，戲入面Stephy同小方係一對新婚夫婦，但係現實中，我哋應該睇唔到佢哋結婚呢幕啦！
4.我相信是世間說共你都應該登對－日久生情
葉念琛愛情四部曲中嘅第二部就係《十分．愛》，拍完後更加確定咗，Stephy同小方係大家公認嘅螢幕情侶，仲好記得小方跑出嚟搵Stephy，大家互相表白心聲嘅一幕，好感人呀！而戲中插曲《日久生情》，歌詞更加係Stephy填，依家睇番應該係Stephy對佢同小方感情嘅心聲。
5.對你再好不會廝守－我的最愛
《我的最愛》入面Stephy係做一個俾人搶男朋友嘅單純女仔，為咗報仇求做騙子嘅小方幫手，最後Stephy搶番男友，小方係去搵Stephy嘅途中死咗，有情人唔可以終成眷屬，估唔到現實中嘅Stephy同小方會同歌詞一樣「對你再好不會廝守」。
6. 如相處悶透後 如相愛沒永久－七年
Stephy同小方相愛七年，過到七年之癢，但估唔到都過唔到十年呢個難關。佢哋相愛七年時，更加出咗首七年，高調相戀， MV嘅編劇同導演更加係由Stephy同小方做，MV重溫佢哋合作過嘅場景，依家睇番真係心酸。
7.同屋主的某君 情感疏得太親 －同屋主
Stephy同小方十年嘅時候就拍咗估唔到《紀念日》，延續《獨家試愛》嘅愛情故事，新年先啱啱上映完，票房仲大賣，點知就宣布分手，唔通真係真愛難「婚」，希望可以戲如人生，佢哋會好似劇入面咁好番，依然繼續一齊落去！
方力申女友Maple Yip為何加入了邪教？
Maple Yip曾經在2022年3月現身南韓一個反邪教組織舉行記招，當中她提到於2011年時自己還是高中生，因感覺生活空虛，在銅鑼灣被攝理教教徒⋯⋯詳情請看
方力申與女友Maple Yip感情發展迅速？
方力申日前在出席活動時，公開回應自己與邪教性侵受害者Maple Yip的緋聞，不但大方承認戀情，更提及雙方家長⋯⋯詳情請看
