郵輪出沒注意 ! 盛世公主號 @TRAVEL佳
(Presented by Princess Cruise )
除左留意邊度有平機票之外，我Travel佳其實對 郵輪 旅行都非常有興趣，因為全程歎住咁玩，唔使趕頭趕命趕行程，最啱孖住屋企人一齊去。最近收到風，公主 郵輪 嘅 盛世公主號 （Majestic Princess）即將面世，佢係船隊入面第三隻帝王級 郵輪 ，首先會環遊地中海，之後就轉戰亞洲，仲會途徑香港。咁大件事！梗係要八一八先。
盛世公主號 7天環歐之旅 6月起主打亞洲
首先地中海之旅夠曬豐富，囊括西班牙、英國、法國及意大利等地，打卡打到手軟，連埋稅同其他收費都係$10,000有找，抵到一個點！完成環歐之後， 盛世公主號 就會以上海為母港，開展中國航季，6月27、28日仲會stay喺香港兩日，mark定schedule一睹呢艘巨型豪華郵輪嘅風釆先。
歎盡全球美食
成個銀河系都知Travel佳嘴刁，不過盛世公主號有來自法國、意大利、美國、澳洲、中國同日本等地嘅大師級大廚坐鎮，仲有米芝蓮星級餐廳觀瀾軒中餐廳（Harmony）進駐，仲有仲有港女（利申：你知我想利申啲咩）至愛嘅130米長自助餐餐區，又好似幾多選擇咁喎。
Show，全部都係Show
飲飽食醉之後，一定要親身行下海上首創嘅海景懸臂式空中走廊SeaWalk同海景酒吧，一邊欣賞花式調酒，一邊歎海景，順便試下你膽量。其他精彩節目包括水上幻彩音樂表演（Water Color Fantasy）、拉斯維加斯歌舞表演「愛在遊樂園（Fiera）」同「奇妙旅程（Fantastic Journey）」等等等。想知多啲就上官網睇下啦。
行程資料：
7天地中海 –來回於巴塞隆拿至羅馬之間
船隻： 盛世公主號
出發日期：2017年4月09*、16日、5月14日
途經港口：卡塔赫納（西班牙）、直布羅陀（英國）、土倫（法國普羅旺斯）|熱那亞（意大利）、佛羅倫斯／比薩（意大利利沃諾）
船票：$9,703起（價錢以雙人房每位計算，已包括政府稅及其他附加費用）
*倒走行程，以蒙地卡羅取代熱那亞、華倫西亞取代卡塔赫納。
公主郵輪
