郵輪懶人包 3大上船前必讀事項！＠Miss Sunny

郵輪以前俾人1種爸爸媽媽級先去嘅印象，不過，如果你同我一樣，本住「旅行只想食玩瞓」咁就啱晒喇！放低生活嘅煩事，唔使chur行程，放慢腳步好好地chill住歎番個旅程，包你去完叉足電呀！不過上邊艘郵輪好？上到去要注意啲咩？即睇 郵輪懶人包 啦！

上船前必讀 郵輪懶人包

1. 揀咩房好？冇窗會唔會好辛苦？

其實郵輪會有唔同嘅房型俾你揀，有露台、冇露台、有窗、冇窗～最好跟番自己budget揀啦。我就會揀有露台／窗嘅房，不過冇窗一樣舒服，行去甲板睇景都好浪漫！

2. 有咩食？會唔會好貴？

講完最重要嘅住宿點可以冇食先！其實1隻好嘅郵輪最緊要就係多嘢食，好似上次去嘅處女星號咁，成艘船有唔同嘅多國菜，中、西、日、馬來、酒吧咩都有，有免費同付費餐廳，而且就算想食好啲，餐廳價錢都比出面平，食好西都唔肉赤呀！

3. 咁多日會唔會好悶？

首先講到明，我比較鍾意慢慢來嘅旅行，希望自己充分休息嘛！不過咁～其實成艘郵輪咁大，又點會冇嘢玩呢！處女星號上面除咗有各類按摩服務、gym room、蒸汽室呢啲基本嘢，連髮型屋、樓高兩層嘅歌劇院同大型免稅店都有，鍾意shopping嘅你就啱啦！仲有100米巨型滑水梯、露天泳池、迷你高爾夫場、卡拉OK房同Playdia等等。悶？玩得晒先講啦！

郵輪旅遊Tips！

講完咁多，其實最緊要都係睇下個路線啱唔啱自己玩～麗星郵輪處女星號由而家去到5月就會有由香港上船去高雄嘅航程，而7月到11月嘅日本「黃金航線」仲可以一次過玩轉大阪、東京、富士山同鹿兒島添，想睇多啲或者報名，記得去睇下啦：麗星郵輪主頁 同埋麗星郵輪facebook