【 越南簽證 QnA】解答申請簽證3大疑問
撰文：Go Trip 編輯部｜圖片：網上圖片
越南簽證3大常問問題
相繼有廉航在越南設立航點，不少香港人都心思思想去玩下。不過去越南要搞簽證，都幾麻煩。旅遊group同論壇不時有人會問有關問題。現在解答3大常問問題！
1. 在港簽證價格有無減?
日前有不少報導表示，越南簽證減價超過4成，真係咁平？根據資料，自2013年起，在港辦理越南Visa，價格一直維持在$500以上，而且只加不減，就算機票幾平，都令人卻步。編輯一收到消息便聯絡了越南駐港領事館，查詢價格。
越南當局曾多次調高在港申請Visa收費，2013年港龍推出峴港直航，同年費用由原本$300多加至HK$500，加幅超過4成！2014年間，越南當再次上調價格至$580。今年兩間廉航先後在當地設立航點，簽證於暑假旺季前加至HK$640。
申請方法：
帶同passport正本、証件相同把已填好的簽證表格到越南駐港領事館申請
時間：申請一般單次進出境簽證需時4個工作天；快證即日可取
地址：香港灣仔灣仔道230號佳誠大廈15樓 (灣仔港鐵站A3出口向左轉)
價錢：一個月單次入境-$560，快證-$960
入境成功率：
持在港辦理簽證的旅客100%可以入境
在港搞簽證價格不變，難道新聞資料不準確？原來只有落地簽證費用的價格下調，由美金$45減到$25，手續費最低有8 美元，加埋都係港幣$300有找，平過本地申請前唔多一半！不過申請落地簽證有風險，有旅客曾被拒入境。相比在港申請簽證收費，落地簽證的確好吸引，不過申請落地簽證都要諗清楚。
而且代理公司會以團體形式apply visa，其他旅客或會在落地簽證信中，得到你的個人資料姓名，如:出生日期、國籍同護照號碼，有資料外洩的危機。唔想到出發當日先發現未能入境或資料外洩，都係乖乖地在港申請簽證啦！
申請方法：
落地簽證是由越南代理向入境部門申請，並預先得到批核。旅客只要填表及付手續費就可以。代理公司就會把預批落地簽證批文email給你。旅客可持批文在香港辦理登機手續，到達越南後，到落地簽証櫃檯辦理正式落地簽証及付款就可以入境。
時間：申請一般單次進出境簽證需時2個工作天;快證2小時至1個工作天
價錢：簽證費US$25+手續費US$8=US$33（約HK$256）
入境成功率：
約80%，有申請了落地簽証的旅客曾被拒入境。落地簽證只能在三個國際機場拿到，如果計劃由柬埔寨、老撾、中國通過陸路來到邊境就要在港申請啦。
更多詳情:http://www.cheapvietnamvisa.net/
3. BNO有無得免簽證?
手持英國passport，去越南可以免簽證。不過拿BNO又可唔可以免簽證呢?有網友就話佢拿BNO闖紅燈成功，又有人話BNO update了越南可以免簽証入境，不過都係問下越南當局核實最穩陣！
雖然有人問過越南駐倫敦大使館，佢哋答BNO免簽，但越南駐港領事館回覆，不論你手持特區護照或BNO都要申請Visa。編輯估計，可能網友剛巧遇到糊塗關員，分唔清BNO同英國護照先入到境。其實入唔入到境始終係越南當局先有權做最後決定，唔想提心吊膽，又要驚入唔到境，不如都係比錢申請Visa啦。如果你想免費入境，都可以試下，不過就要冒著被拒入境的風險。
費用：免費
入境成功率：
只有約5%
補充資料：
有網友表示，可以網上申請入境越南的批文，再交領事館 stamp duty，即日可取並100%保證能入境。編輯就再問下領事館。
