超豪四季 首爾 插旗 開業套票平三千【 首爾 住宿 】

想豪玩 首爾 ，最新五星級酒店有首度進駐韓國的四季酒店。距離光化門站3分鐘步程，行去明洞都係15分鐘，算方便。317間房間低調地奢華，基本Deluxe客房有484至516呎，堪稱全 首爾 最大，並有齊衣帽間及意大利雲石浴缸。會所進佔三層，包括一個8,000呎的健身室、三個泳池、水療中心、韓式桑拿甚至模擬室內高爾夫球等，啱晒遊客relax。市面有套票做緊$6,299住兩晚，睇落唔平，不過坐國泰而其中一程升級Premium Econ，比散訂酒店官網的開業優惠更筍！每日送的W100,000/HK$658 credit，更可以用於七間餐廳酒吧，當中以打通三層的日式餐廳Kioku來頭最勁，請來米芝蓮廚師Sawada Kazumi主理。唔想再住平價酒店，梗係揀四季啦。