新鮮奶茶、乳酪自動販賣機?! 台灣4大排長龍販賣機

Apr 12 2016

台灣特色飲品紅遍亞太區就絕非新鮮事，次次一有新嘅人氣珍珠奶茶或手調飲品店一開幕，唔係要勁排長龍就係開分店開到嚟香港！不過，新店就話排長龍啫，最近記者發現台南人竟然連自動販賣飲品機都排，排到連台灣電視台同各大台灣網媒都熱推，究竟呢幾部機係咩玩法又有咩來頭呢？記者同大家一齊睇吓呢幾部機有幾人氣同感受台灣人熱愛飲品嘅威力啦～

爆趣販賣機1：英式電話亭奶茶機

就咁睇以為佢係英式電話亭……擺設，但實質原來係賣進口茶葉泡製而成嘅英式奶茶嘅販賣機！位於高雄市嘅佢簡直係近排嘅人龍之冠！店家表示，由於呢款英倫奶茶每日必須經過長時間嘅「醒茶」過程，所以唔能夠大量質造，每日只限量200支！而補給員一日就會分凌晨、下午同夜晚3段時間補給，唔少市民都喺補給員嚟之前排定隊，閒閒哋都排半個鐘㗎，下次去高雄想試就記得預早少少去排隊，去到賣哂都唔緊要嘅，同呢個「表裡不如一」嘅販賣機selfie相信都呃到唔少Like！

12743929_1738884303010610_4184448927125077916_n — 圖片來源：電話TEA 英式茶飲自動販賣機專賣亭Facebook專頁。

人氣原味英倫奶茶，TWD$35，港幣約＄8.3；圖片來源：電話TEA 英式茶飲自動販賣機專賣亭Facebook專頁。

上月新品日本京都宇治抹奶亦成瘋搶對象，TWD$35，港幣約＄8.3；圖片來源：電話TEA 英式茶飲自動販賣機專賣亭Facebook專頁。

台灣中天電視台早前去直擊排隊情況，唔少排隊者都大讚茶味濃，正！圖片來源：電話TEA 英式茶飲自動販賣機專賣亭Facebook專頁。

唔係誇張，連落雨都有大把市民嚟排隊！圖片來源：台灣tvbs新聞載圖。 — 唔係誇張，連落雨都有大把市民嚟排隊等補給員補給奶茶！圖片來源：台灣tvbs新聞載圖。

電話TEA 英式茶飲自動販賣機專賣亭

地址：台灣高雄市新興區五福二路147－4號（新崛江站）（顯示地圖）
補給時間：3:00pm－4:00pm；8:00pm－9:00pm；12:00am－1:00am
電話TEA Facebook專頁：電話TEA 英式茶飲自動販賣機專賣亭

爆趣販賣機2：台南超人氣手搖「壽奶茶」

「壽奶茶」比起「電話TEA」更早召喚到人龍！喺上年年尾推出販賣機後，台南市就掀起一鼓排隊潮，當時有唔少市民喺老闆凌晨5點補貨前已經開始排隊，而去到朝早6點更加已經畀fans們買哂，認真架勢！「壽奶茶」主要分為黑、白蓋兩大味，分別「黑蓋」嘅全麥奶茶同「白蓋」嘅紅茶底奶茶，另外亦有限量抹茶味可供選擇。「壽奶茶」講到明要品質係宗旨，所以堅持每日新鮮煮茶3－4個鐘、醒茶2－3個鐘加製作搖奶4個鐘嘅過程，每日限量300支！店家亦由原本得1部販賣機增加多個販售點，滿足fans要求，不過大家都係限買2支㗎炸，想試呢隻比fans讚得天上有、地下無嘅手搖奶茶，都係果句：早啲去排隊啦！

12111957_837037026416038_5857247743309905480_n — 販賣機經常出現「全部售罄」，圖片來源：壽sweet奶茶專賣Facebook專頁。

「白蓋」壽奶茶為紅茶底古早味，TWD$30，約港幣為＄7.1，圖片來源：壽sweet奶茶專賣Facebook專頁。

「黑蓋」為以全麥熬煮奶茶，TWD$45，約港幣為＄10.7，圖片來源：壽sweet奶茶專賣Facebook專頁。

限量抹茶味壽奶茶，不定期供應，TWD$55，約港幣為＄13.2，圖片來源：壽sweet奶茶專賣Facebook專頁。

凌晨亦吸引大量市民排隊「搶奶茶」， — 凌晨亦吸引大量市民排隊於販賣機前「搶奶茶」，圖片來源：壽sweet奶茶專賣Facebook專頁。

日本NHK電視台日前到販賣點採訪，唔少fans都怕經報導報以後更難買到奶茶！圖片來源：壽sweet奶茶專賣Facebook專頁。

壽奶茶

販賣機地址：台南市中西區西華南街28號（顯示地圖）
販賣機供應時間：每逢星期一排定公休，無奶供應，星期二至日正常售賣，直至售完。
販賣點地址：台南市東區裕豐街35號（荷糖動物食料）（顯示地圖）
販賣點販售壽奶時間：星期二到六，4:00pm開始販售，直至售完，星期日固定公休，星期日和星期一無供應壽奶。
壽奶茶Facebook專頁：壽sweet奶茶專賣

爆趣販賣機3：首部台灣乳酪販賣機！

強調無防腐劑、無色素色動物膠嘅天然台灣造乳酪「森霖優格」喺台南有間實體店之餘，亦有間網上店，但因乜解究要出埋販賣機呢？店家就話想出隻可以畀人邊行邊飲嘅「喝優格」，畀忙碌兼趕時間嘅人都可以為身體「補菌」健體！呢部販賣機仲係全台灣第一部嘅乳酪販賣機，有唔少網民都大呻：好！難！買！15分鐘就已被賣完～睇嚟有實體店嘅販賣機亦無因此而減低台灣人衝販賣機嘅心～

12745580_828501277254899_6966805984795645743_n — 圖片來源：森霖優格Facebook專頁。

販賣機有售紫心蕃薯、黑糖、微甜、無糖等味，黑糖味最多網民like！ — 販賣機有售紫心蕃薯、黑糖、微甜、無糖等味，每款TWD$80-90，約港幣為＄19－21，圖片來源：森霖優格Facebook專頁。

螢幕快照 2016-04-08 下午4.50.39 — 黑糖味最多網民like！

記者上網睇睇呢部販賣機有幾受歡迎，就睇到幾個鐘之前網民話已經賣哂！

森霖優格

販賣機地址一：台南市東區東寧路510巷37號（烘焙樂工坊旁）（顯示地圖）
販賣機地址二：台南市中西區國華街三段26號（炸雞洋行附近）（顯示地圖）
森霖優格Facebook專頁：Forest Yogurt 森霖優格

爆趣販賣機4：盞鬼小鮮肉同伴奶茶！

早前紅透半邊天嘅小鮮肉奶茶大家應該唔陌生！早前就因為大家迫爆本店而加開咗販賣機啦～佢哋介強勢加推小鮮金同麼麼噠奶茶！小鮮女就唔駛多解釋，咪就係擁有窈窕身材嘅年輕女生囉，咁麼麼噠呢？就係智利復活島摩艾象，咀嘟嘟，勁盞鬼！大家排完小鮮肉奶茶後都會排埋小鮮女加麼麼噠，誓要儲成一套！下次去台南見到，唔駛問㗎啦，乖乖排隊畀錢啦，問多一秒都可能買唔到呀！