「變身韓妹」的秘密!!! 韓遊必影證件相

Mar 25 2016

每次到要影CV相或者證件相時，都好煩惱唔知去邊先影得靚，貪方便落街普通影相舖或者去即影即有機影，但又無得執相，燈光又唔靚，除非你有高超嘅化妝技術，又或者天生麗質，如果唔係真係影極都唔會靚。想證件相同CV相見得人，唔駛再收收埋埋？學下林日曦同蔣麗芸去韓國影證件相啦，雖然ViuTV嘅《跟著矛盾去旅行》未上映啦，但我哋已經有獨家片段，林日曦同蔣麗芸係韓國一齊去影證件相，體驗韓國影樓證件相嘅一站式服務！

究竟韓國影證件相有幾Pro同一站式服務呢？

影一張證件相可以有幾Pro，有服飾提供、專業化妝師、幫你美圖修修，仲要10分鐘攞相，hard soft copy 都有，等我哋睇下林日曦同蔣麗芸點享受到韓國證件相服務啦！

螢幕快照 2016-03-24 下午08.48.31 — （圖片來源：SAM Studio官網）

1.服飾提供：

男士有齊西裝、襯衫、領帶，女士唔駛怕無款揀，大型影樓會有齊多款色嘅襯衫，淨係白色都有成個衣櫃揀！好似林日曦咁，去到影先換衫，唔駛著Suit周圍行。

2.專業化妝：

大部分影樓都會有專業化妝師駐場，即場幫客人化個妝，想享受韓星梳妝，一定要試下影證件相。價錢平啲嘅影樓可能無化妝師駐場，但都一定有個荷里活式化妝鏡枱，俾你自己化。蔣麗芸好似好享受成個化妝過程，果然都係一個普通女士，都會貪靚，但相反林日曦就唔太享受啦！

3.美圖修修：

唔係指佢會幫你用美圖秀秀app，係指佢會即場幫你用Photoshop執相，你可以喺旁邊睇住，執到滿意為止！除咗執相，仲有專業燈光，幫你打燈，包你皮膚好似雞蛋咁滑！韓國P圖技術果然高超，蔣麗芸嘅皺紋無曬，林日曦鬚跟都消失埋，聽講連牙箍都可以執走埋！

4.攞相：

韓國證件相普通等10分鐘就有相攞，仲可以自己用USB或者Email攞番相，唔似香港最快一個鐘先攞到相，要Soft Copy都要加錢！

AR.KIM（@a_riii2）張貼的相片於 2016 年 3月月 18 1:57上午 PDT 張貼

지은（@ji_eun8）張貼的相片於 2016 年 3月月 9 10:54下午 PST 張貼

1.專業證件相影樓－ SAM Studio

想要最整全同專業嘅證件相服務，就應該去呢間，因為呢間係專影證件相，執相功夫一流，連牙箍都可以整唔見，頭髮可以由無變有，真厲害，價錢都只不過係港幣$150都唔駛！抵呀！但Booking都比較Full，去前要預約定呀！

SAM Studio
地址：서울특별시종로구종로2가12번지통일빌딩5/F
營業時間：平日10am-7:30pm，周末10am-6pm
費用：證件照22,000韓圜（約$142）
網址：http://www.studiosam.co.kr

2.弘大平價影樓－ Studio Photobi

呢間影樓位置喺弘大，係韓國年青人嘅集中地，由於佢哋不設任何造型服務，都無化妝服務，所以價錢平好多，只需要₩10000（約HKD$70）但大家要自行化好妝啦！

Studio Photobi
地址：首爾東麻浦區Seogyo332-13 /서울시 마포구 서교동 332-13（顯示地圖）
營業時間：週二至週日11:00至21:00（截止20:30拍攝），週一閉館
費用：身份證/護照照片：成人₩10,000；青少年₩8,000
電話：070-7581-4782
網址：http://photobi.modoo.at/?link=f3cx6y5p