慎入！史上最恐怖萬聖節！！ 日本環球影城猛鬼實錄！

萬聖節係我Travel佳每年最欲拒還迎嘅節日，因為我真係好驚鬼，但又好鍾意玩鬼屋，可能就係越驚就越刺激的感覺，就令我每年都會去咩咩公園度玩鬼屋畀鬼嚇，但自從上年萬聖節我去咗日本大阪的 環球影城 玩過入面的猛鬼街、娃鬼回魂等等主題的鬼屋之後，發現入面嘅氣氛、驚嚇程度同裝飾，真係冇其他地方比得上！知道今年「哈利波特魔法世界」會出現最強大的黑暗力量「食死人攻擊」，食死人會蕩遊在活米村之外，其他區域都有街頭喪屍隨時出現，咁驚嚇！所以我已經率先去咗啦！大家快啲睇吓我對全新項目的點評啦！再決定畀咩鬼嚇啦！

食死人登場！大玩魔幻Trick & treat！

驚喜度：★★★★★
驚嚇度：★★☆☆☆

之前都見到「哈利波特魔法世界」食死人的宣傳片，現場所見傍晚時分，果然一身黑斗蓬的食死人會在活米村之中穿梭，大家都會感受到他們如同電影中擁有的陰森壓迫感，不過大家如果唔驚其實都可以試吓同佢哋合照！另外，喺依度大家更可以用手上的魔杖大玩萬聖節傳統Trick & treat，只要用魔杖指向酒桶或鍋子唸出咒語，就有源源不絕的糖果噴出，麻瓜們開心到爆！

日式恐怖！詛咒鬼娃娃！

驚喜度：★★★★☆
驚嚇度：★★★★☆

影城首次推出日式傳統風格鬼屋！大家穿過傳統鳥居，將會行到去荒廢咗號嘅村落。村落深處有一間供奉神秘娃娃的「淡嶋神社」,為咗完成神秘的任務，大家必須走入迷宮般的神社，但入面嘅日式娃娃亦會出來「迎接」大家！這個名為「崇 Tatari ~活公仔的詛咒~」的鬼屋，是愛日本傳統文化Fans之選呀！

重現驅魔人經典！

驚喜度：★★★★☆
驚嚇度：★★★★☆

恐怖片經典！驅魔人！勁就勁在未睇過套戲你都會見過一個女仔個頭360度旋轉、以反人體工學的姿勢落樓梯的畫面，以此為主題的「驅魔人之館」，就將這些令世界觀眾震撼的畫面重現在大家面前！講起都覺得毛骨悚然！有種入咗去返唔到轉頭嘅感覺！

驚到走佬！捆綁式人體實驗！

驚喜度：★★★★☆
驚嚇度：★★★★★

舊年環球影城推出的「Trauma實驗病棟」搞到好多人都太驚嚇，要宣布中途放棄投降！今年推出全新的版本,響完全密閉的空間之內,大家手腳都完全郁唔到，成為恐怖人體實驗的對象，曾經就有人玩完講講覺得會「一世都發惡夢」，事實上大家要簽下願意承擔受到心靈創傷風險的誓言書先可以入去，絕對係要視死如歸，先有膽玩！

最驚喜！

日間影城15週年的超人氣巡遊，會變身為為玩過籠萬聖節版本，當中表演之一的迷你兵Minions更加會推出萬聖節造型的斜揹糖果箱，每個3,200日元。

小貼士：

去過日本環球影城都知，所有遊戲都要排隊，但係想玩晒所有嘢！最好當然係響香港買定Fast Pass啦！而今年日本環球影城係香港就只係得ＥＧＬ 獨家發售 其中一款Halloween既Fast pass：萬聖驚魂夜環球Express®門票3～崇Tatari～，記得啦！

環球萬聖驚魂夜環球
日期：即日至11月6日
網址：www.usj.co.jp/hk/halloween2016/