【殺到香港】 草間彌生 進駐蠟像館 直擊3大check-point! ＠ Travel 佳

我Travel佳去旅行，除了愛欣賞大自然風光、風土人情外，亦愛逛藝術展、博物館，最深刻印象是在日本直島海邊「遇上」 草間彌生 的大南瓜。之前要一睹波點女王嘅展品都要長途跋涉飛到日本或外國朝聖。上星期波點女王終於登！陸！香！港！新加入香港杜莎夫人蠟像館嘅新展區仲大玩互動概念，點只傳統蠟像館咁簡單！而家新館開幕，上網買飛仲有特別優惠，想知點買平飛，就要睇落去喇！

Check Point 1: 1:1 草間彌生

介紹返～今次展出的蠟像以1:1比例製作，像真度超高！亦係東京以外，唯一一個擁有草間彌生蠟像藝術主題展區。

Check Point 2: 藝術拼盤

熟悉草間彌生都知佢嘅作品勁多，《無限鏡屋》、《南瓜》、圓點等等都係代表作。今次主題展區面積雖然唔係好大，但館方依然好有心思佈置，將女王嘅創作意念發揚光大。整個展區以黃色為主色，重複佈滿黑色圓點，抬頭仲會見到懸浮係空中，專程係日本訂製嘅「葫蘆」。

Check Point 3: DIY 紀念Tee

難得見到波點女王，除咗拍片、selfie之外，豈能錯過帶走紀念品！有別於一般紀念品，你可以利用電腦軟件親自動設計紀念tee圖案，甚至加埋字句。在場職員會即時燙印，只要花短短15分鐘，就可帶走獨一無二的波點 tee!

網上買飛更抵玩!

想參觀香港杜莎夫人蠟像館最新草間彌生展區，不妨到 https://www.madametussauds.com/hong-kong/ 購票，唔駛排隊買飛之餘，仲要平過即場買飛。識買，梗係上網買！趁住而家做緊優惠，假期入去蠟像館同名人影相之餘，仲可以參觀埋最新展區添！
地址：山頂凌霄閣P101號舖(顯示地圖)
時間： 10:00–22:00