澳門短途遊 美食 x 歌舞 x 群星｜聖誕除夕派對2017 @Travel佳
澳門呢個地方對香港人嚟講，總有一份情意結。點解？因為短短嘅航程，就畀到大家出走旅行嘅感覺，周末去番轉兩日一夜短trip，都已經好寫意。更何況嚟緊聖誕，澳門亦有多個唔同嘅節日活動。今次要講嘅係澳門十六浦節日美饌音樂盛會，連串精彩歌舞表演由日頭玩到凌晨，仲有法式節日盛宴同大抽獎環節！等我阿佳逐一同大家介紹聖誕除夕派對2017有咩玩啦！
法式浪漫盛宴 食得入口嘅溫馨
唔好諗住澳門淨係可以感受到葡式風情，其實你都可以搵到法式浪漫㗎！情侶嘅話，我推介大家到派意舫法國餐廳(Privé)，喺優雅嘅舊城美景下，享受法式滋味！聖誕期間，大廚特意炮製六道高級佳餚，包括蟹肉蘿蔔雲吞配細香蔥、煙熏鴨胸配香料甘筍蛋糕及香煎牛柳配自製松露大薯條等，呢份食得入口嘅甜蜜溫馨，喺節日下更加滋味。
如果係一班朋友慶節，海風餐廳嘅聖誕及除夕自助餐就啱你哋啦！唔止有新鮮嘅法式冷盤好似法國紛迪加蠔、波士頓龍蝦等，仲有多款傳統聖誕佳餚，例如傳統聖誕烤釀火雞、聖誕樹頭蛋糕、法式雜錦砂鍋等，畀大家一嚐傳統滋味！提提大家，雅聚廊大堂吧亦推出冬日期間限定嘅「妙韻聲樂」下午茶，有多款樂器形狀嘅精緻點心，靚到你唔捨得食，加上酒店仲準備咗各式美饌禮品送畀大家，係咪聽到都開心先？
日頭玩到凌晨 澳門戶外音樂聖誕除夕派對2017
有得食，當然有得玩啦！「澳門除夕音樂派對2017」呢個澳門年度盛事你又點可以錯過～今年依然喺澳門十六浦戶外廣場舉行，但開始時間提早到下午開始，等大家由日頭玩到凌晨！日間部分將會由本地表演團體送上經典流行金曲、悅耳民歌及活力舞蹈 夜晚就會有多位重量級表演嘉賓坐陣！
活動仲有壓軸大抽獎環節，大家隨時有機會贏得澳門航空雙人來回曼谷機票連曼谷索菲特酒店3晚住宿、澳門十六浦索菲特酒店派意舫法國餐廳雙人晚餐及樂軒華餐飲現金券等豐富獎品。
驚喜除夕賞一日四次送大禮
澳門十六浦會會員有福啦！即日起到2018年1月14日，喺澳門十六浦消費嘅話，就可以憑短訊免費參加大抽獎，獎品總值超過15萬元！包括：高達3萬元玩樂錢、餐飲現金券、限量版紀念品等！
如果大家都想喺年尾近近地，去過短途旅行，澳門十六浦的確係唔錯選擇，想知更多關於節日活動詳情，就Click入嚟睇吓啦 ! 澳門十六浦網站：https://www.ponte16.com.mo/tc/
