老景點、新玩法 $8,990轆過吳哥5日4夜 【 吳哥窟 】

吳哥窟 景點十年如一日，聽到都嫌悶，今次有旅行社搞搞新意思，推出5日單車團，有得從「兩個轆」角度觀賞例牌寺廟，即刻唔同講法！路線雖然離不開巴戎寺、大吳哥城等經典古建，但以自騎單車取代Tuk Tuk或私家車，日踩40至60公里(相等於2至3倍大圍至大尾督的路程)，挑戰性搭夠！$8,990的團費已包括爬山單車和頭盔等裝備和全程膳食，仲要有教練和車輛沿途領路，水和補給品都可放在車上，減輕單車負重，缺乏騎遊經驗都絕對應付到！可惜只開一團，剩餘小量名額，心郁就快手報名啦！