飲得多「 綠咖啡 」會長命啲？哥斯達黎加 必去 長壽 小島

哥斯達黎加有超過25%面積被列為國家公園及保護區，當地人就算要發展旅遊業，舉辦野外導賞團或者戶外活動，都一定會以「不破壞自然生態」為原則，難怪長久以來都可以保存到大自然最真實的原始風貌。全國最古老的自然保護區就係位於 Blue Zone 尼科亞半島最南端的Cabo Blanco，呢度亦係成個哥斯達黎加景色最優美的地方之一，「盛產」形形色色的森林及動植物種，哺乳動物、雀鳥、爬蟲類、昆蟲……加加埋埋就有超過35,000個品種，根本就係一本有生命的百科全書。

Blue Zone 特產仲有 綠咖啡

能夠容納咁多物種棲息，好明顯尼科亞半島係個得天獨厚的人間天堂，天然資源夠晒豐富，所以盛產各式各樣的農作物。 綠咖啡 係呢個 Blue Zone 其中一樣主要產物，如果對咖啡有認識，應該知道海拔愈高咖啡豆愈靚，尼科亞半島有海拔千米的高山，有穩定雨量，又有肥沃火山土質，種出來的咖啡豆特別多營養，香氣亦較濃郁，飲起來的確別有一番風味。

飲咖啡原來唔傷身

雖然尼科亞半島的生活的確簡撲寫意，完全零壓力，但歎咖啡似乎唔只係閒情逸緻的表現，仲係養生方法。明明成日聽人講飲得多咖啡對身體唔好，點解Blue Zone居民反而愈飲愈長命？原來佢哋係鍾意飲未經烘焙的 綠咖啡 ，有臨床研究顯示， 綠咖啡 因為冇經過高溫處理，所以保留到原有的礦物質、維他命等有用成份，當中的綠原酸及茶兒素更有助改善身體和皮膚新陳代謝，防止脂肪堆積，仲起到抗氧化作用，對身體好有益處，相信 綠咖啡 亦係Blue Zone居民keep住長壽又健康的重要因素。

世界那麼大 Blue Zone 點止一個

你有你的咖啡延壽法，我有我的獨門長命秘方。地球另一端的意大利撤丁尼亞島（Sardinia）和希臘伊卡里亞島（Ikaría）同樣都打入咗最強Blue Zone之列，佢哋對於保持長壽的方法又有另一番見解。

撤丁尼亞島靠的是橄欖油，大家都知橄欖油的不飽和脂肪酸有助預防心臟病、高血壓、動脈硬化等疾病，加上撤丁尼亞島同樣係個無污染地區，出產的橄欖營養價值特別高，含有大量維他命，可以潤澤埋肌膚，同 綠咖啡 一樣有抗氧化功效，所以單從外表真係睇唔出島上住咗咁多過百歲的老人家。

對大家嚟講，伊卡里亞島的長壽法寶相對會比較陌生。佢哋視乳香脂，即是一種從黃連木流出的樹脂為萬用神物，既可以用來醫治腸胃及皮膚病症，又可以加入糖果、朱古力、餅乾、果醬、個人護理物品當中。聽講當地人細細個就鍾意將乳香脂當糖食，或者就係因為咁，所以佢哋贏在起跑線，壽命都寧舍長過人。